ایجنسیز
لندن/انگلش پریمیئر فٹ بال لیگ میں 18 مئی کومزید 5میچوں کا فیصلہ ہوگا۔ شیڈول کے مطابق پہلا میچ ایورٹن اور سائوتھمپٹن کی ٹیموں کے درمیان گڈیسن پارک، لیورپول کے مقام پر کھیلا جائے گا،دوسرا میچ ویسٹ ہیم یونائیٹڈ اور ناٹنگھم فارسٹ کی ٹیموں کے درمیان لندن سٹیڈیم ، لندن کے مقام پر کھیلا جائے گا،تیسرے میچ میں برینٹ فورڈ اور فلہم کی ٹیمیں آمنے سامنے ہوں گی اور یہ میچ جی ٹیک کمیونٹی سٹیڈیم، برینٹ فورڈ، انگلینڈ میں کھیلا جائے گا۔چوتھا میچ لیسٹر سٹی اور ایپسوچ ٹائون کی ٹیموں کے درمیان کنگ پائور سٹیڈیم ، لیسٹر میں کھیلا جائے گاجبکہ 18مئی بروز ہفتہ کا پانچواں اور آخری میچ آرسنل اور نیو کیسل یونائیٹڈ کی ٹیموں کے درمیان ایمرٹس سٹیڈیم، لندن کے مقام پر کھیلا جائے گا۔انگلش پریمیئر فٹ بال لیگ کے 33 ویں سیزن کا آغاز ہوچکا ہے جو مجموعی طور پر ٹاپ فلائٹ انگلش فٹ بال کا 126واں ایڈیشن ہے۔ای پی ایل میں شامل 20 ٹیمیں ٹائٹل کے حصو ل کے لئے پنجہ آزمائی کر رہی ہیں جن میں دفاعی چیمپئن مانچسٹر سٹی ،بورن ماؤتھ،آرسنل ،آسٹن ولا ،برینٹ فورڈ، برائٹن اینڈ ہوو البیون ،چیلسی،کرسٹل پیلس، ایورٹن، فلہم،ایپسوچ ٹائون، لیسٹرسٹی، لیورپول، مانچسٹر یونائیٹڈ ،نیو کیسل ،ناٹنگھم فارسٹ ،ساؤتھمپٹن،ٹوٹنہم ہاٹ پور،ویسٹ ہیم اوروولور ہیمپٹن شامل ہیں۔
