افغانستان حکومت نے 7 قیدیوں کے علاوہ سبھی کو رہا کیا

کابل// افغانستان حکومت نے فرینچ اور آسٹریلیائی فوجیوں کا قتل کرنے والے 7طالبانیوں کو چھوڑکر باقی سبھی طالبانیوں کو رہا کردیا ہے ۔ پازووک خبررساں ایجنسی نے ذرائع کے حوالے سے یہ اطلاع دی۔خبررساں ایجنسی کے مطابق افغانستان حکومت نے اس دوران آٹھ طالبانیوں کو رہا کیا ہے ۔ اس سے ایک دن قبل افغانستان کے صدر اشرف غنی نے اعلان کرتے ہوئے کہا کہ حکومت نے طالبان کے ساتھ امن کے عمل امن معاہدے کے تحت اپنی عہد بستگیوں کو پورا کیا ہے جو کہ بین افغان مذاکرات کی راہ ہموار کرتا ہے ۔صدر دفتر کے ذرائع نے بدھ کو بتایا کہ افغانستان حکومت کی ایک تکنیکی ٹیم قطر کی راجدھانی دوحہ پہنچی تھی۔ جہاں طالبان کا ہیڈ کوارٹر ہے ۔اس کے علاوہ گزشتہ کچھ دنوں کے دوران افغان حکومت نے طالبان کے ذریعہ کمانڈروں کو چھوڑنے کے بعد سنگین الزامات والے طالبانیوں کو رہا کیا جن پر غیر ملکی فوجیوں کے قتل کا الزام ہے ۔