یواین آئی
کولمبو/ٹی ٹوئنٹی ورلڈ کپ 2026 میں آسٹریلیا کی مہم کے آغاز پر ہی کپتان مچل مارش انجری کا شکار ہو کر ایونٹ سے باہر ہونے کے قریب پہنچ گئے ہیں۔ ان کی غیر موجودگی میں ٹیم کی قیادت کے فرائض ٹریوس ہیڈ سنبھال رہے ہیں۔کرکٹ آسٹریلیا کی جانب سے جاری کردہ بیان کے مطابق مچل مارش کی حالت تشویشناک ہے : اتوار کو ٹریننگ سیشن کے دوران ‘سائیڈ آرم تھرو ڈاؤن’ لگنے سے مچل مارش کے گرون ایریا میں شدید چوٹ لگی۔ اسکینز میں اندرونی چوٹ کی تصدیق ہو گئی ہے ، جس کے باعث ڈاکٹرز نے انہیں مکمل آرام کا مشورہ دیا ہے ۔ وہ آئرلینڈ کے خلاف افتتاحی میچ سے باہر ہو چکے ہیں اور زمبابوے کے خلاف اگلے میچ میں بھی ان کی شرکت انتہائی مشکوک ہے ۔
