ادھم پور// سابق ایم ایل اے اورنیشنل پنتھرس پارٹی کے صدربلونت سنگھ منکوٹیہ نے کہاہے کہ 6 نومبرکوجموں میں منعقدہونے والی مہاریلی ریاست کی سیاست کوتبدیل کرنے کے باعث بنے گی۔انہوں نے لوگوں سے جموں کوالگ ریاست بنانے کیلئے چھیڑی گئی مہم کی حمایت کرنے کی اپیل کی۔منکوٹیہ نے کہاکہ پہلاموقعہ ہے کہ جب خطہ جموں کے دس اضلاع کے لوگوں نے بیک وقت آواز الگ جموں ریاست کی مانگ کی ہے۔یہ مہم نیشنل پنتھرس پارٹی کی جانب سے ’’حق انصاف یاترا‘‘کے تحت شروع کی گئی ہے ۔اس مہم کے تحت خطہ جموں کے دس اضلاع کولایاجائے گا۔ایساکرنا اب وقت کی ضرورت ہے ۔ادھم پورکے ڈرسو، گدر،کشیرہ،کابہ ،سمبل،دنڈیال اورسنگوروغیرہ میں عوامی اجتماعات سے خطاب کرتے ہوئے بلونت منکوٹیہ نے کہاکہ حق انصاف یاترا کامقصد الگ جموں ریاست ہے تاکہ جموں خطہ کے ساتھ انصاف ہوسکے اوریہ یاترا جموں میں 6نومبرکومہاریلی کی صورت میں اختتام پذیر ہوگی۔ منکوٹیہ نے پارٹی ورکروں سے کہاکہ جموں خطہ کے کونے کونے سے اس یاترامیں شامل ہونے کے لئے لوگ آئیں ۔
۔ 6نومبرکادن ریاستی سیاست میں تبدیلی کاباعث بنے گا:منکوٹیہ
ملک و جہان کی خبروں سے رہیں اپڈیٹ
نیوز لیڑ ای میل پر پائیں
