ڈی سی کا کوڈ کیئر ہسپتالوں ، آکسیجن پلانٹ کاشبانہ معائنہ

سانبہ //انسداد کووڈ انفراسٹرکچر کا موقع پر جائزہ لینے کے لئے ڈپٹی کمشنر سانبہ انورادھا گپتا نے ڈسٹرکٹ ہسپتال سانبہ میں زیرتعمیر آکسیجن پلانٹ اور کووڈ ہسپتالوں کا رات گئے معائنہ کیا۔اس دورے کے دوران ، ڈی سی نے ڈسٹرکٹ ہسپتال سانبہ میں 1000 ایل پی ایم آکسیجن جنریشن پلانٹ کا دورہ کیا اور تنصیب کے کام کا جائزہ لیا۔ یہ آکسیجن پلانٹ جب کام شروع کرے گا تو 70 کے قریب مریضوں کو بلاتعطل آکسیجن مہیا کرے گا اس طرح ضلع کی COVID بیڈ کی گنجائش میں اضافہ ہوگا۔ـبعد میں ڈپٹی کمشنر نے COVID ہسپتال رام گڑھ کا بھی دورہ کیا ، جس میں انہوں نے ڈاکٹروں ، پیرا میڈیکل اسٹاف اور مریضوں سے بات چیت کی۔ ڈی سی نے ہسپتال میں طبی انفراسٹرکچر کی دستیابی اور کوویڈ مریضوں کی فلاح و بہبود کے بارے میں دریافت کیا۔