ڈائریکٹر ایچ پی اینڈ ایم کاچناب خطہ کا تفصیلی دورہ

 ڈوڈہ//ڈائریکٹر ہارٹیکلچر پلاننگ اینڈ مارکیٹنگ وشیش پال مہاجن نے وادی چناب کا وسیع دورہ کیا۔ان کے ہمراہ ڈپٹی ڈائریکٹر ہارٹیکلچر پلاننگ اینڈ مارکیٹنگ جموں ناہید میر، ایریا مارکیٹنگ آفیسر ڈوڈہ سنیل سنگھ،اے ایم او رام بن بٹوت سنیل بخشی اور ایگزیکٹو انجینئر ، انجینئرنگ ونگ ایچ پی ایم  بھی تھے۔راستے میں انہوں نے کنڈری نالہ میں مجوزہ کسانوں کی مارکیٹ کے لیے جگہ کا معائنہ کیا اور اس علاقے کے اسٹیک ہولڈرز اور سبزیوں کے کاشتکاروں سے بات چیت کی۔ انہوں نے انہیں یقین دلایا کہ تعمیراتی کام جلد از جلد شروع کیا جائے گا۔ڈائریکٹر نے سیٹلائٹ پھلوں اور سبزیوں منڈی پریوٹ کا بھی دورہ کیا اور ڈسٹرکٹ ڈوڈا کے سٹیک ہولڈرز اور کاشتکاروں کے ساتھ تفصیلی میٹنگ کی۔ انہوں نے انہیں مشورہ دیا کہ کام کی تکمیل اور اس کے شروع ہونے تک آزمائشی بنیاد پر منڈی کے مقام سے تجارت شروع کریں۔