عظمیٰ نیوز سروس
نئی دہلی//شری رام فائنانس کی ماہانہ ’شری رام موبلٹی بلیٹن‘کے مطابق جون کے دوران ایندھن کی بلند قیمتوں کے باعث ملک کے اہم مال برداری راستوں پر ٹرک کرایوں میں نمایاں اضافہ ریکارڈ کیا گیا، اگرچہ مجموعی فریٹ طلب نسبتا کمزور رہی۔ رپورٹ میں کہا گیا ہے کہ مانسون کے باعث جولائی میں بھی لاجسٹک سرگرمیوں کے محدود رہنے کا امکان ہے۔رپورٹ کے مطابق دہلیکولکاتا، ممبئیکولکاتا، دہلیبنگلور، دہلیممبئی، دہلیحیدرآباد، دہلیچنئی اور ممبئیچنئی روٹس پر جون کے دوران ٹرک کرایوں میں اضافہ دیکھا گیا، جبکہ بنگلورکولکاتا اور بنگلورممبئی روٹس پر کرایے تقریبا مستحکم رہے، جو جنوبی علاقوں میں نسبتا کمزور طلب کی عکاسی کرتا ہے۔سالانہ بنیاد پر دہلیکولکاتا روٹ پر ٹرکنگ سرگرمیوں میں تقریبا 15 فیصد، بنگلورممبئی پر 11 فیصد اور ممبئیچنئی و دہلیممبئی روٹس پر 7 سے 8 فیصد اضافہ ریکارڈ کیا گیا، جس سے طویل فاصلے کی مال برداری کی مسلسل طلب ظاہر ہوتی ہے۔
