حسین محتشم
پونچھ//پونچھ کے اسپورٹس اسٹیڈیم میں محکمہ ڈسٹرکٹ یوتھ سروسز اینڈ سپورٹس کے زیر اہتمام فٹ بال کے لئے ٹرائیل کم سلیکشن ایونٹ کا انعقاد کیا گیاجس میں 14 سال سے کم ، 19 سال سے کم اور 17 سال سے کم عمر کے گروپوں کے لڑکوں اور لڑکیوں نے شرکت کی۔ اس دوران مقامی کمیونٹی کی جانب سے زبردست ردعمل دیکھنے میں آیا، 120 سے زیادہ فٹبالرز نے میدان میں اپنی صلاحیتوں کا مظاہرہ کیا۔ شرکاء نے شاندار لگن اور جوش و خروش کا مظاہرہ کر کے اس دن کو پونچھ میں فٹ بال کے شائقین کیلئے ایک یادگار دن بنا دیا۔ اس کا مقصد امید افزا ٹیلنٹ کو اسکاؤٹ کرنا اور منتخب کرنا تھا جو ممکنہ طور پر فٹ بال مقابلوں کی مختلف سطحوں پر پونچھ کی نمائندگی کر سکے۔ نوجوان کھلاڑیوں نے مسابقتی میچوں میں حصہ لیا اور آنے والے ریاستی/ڈویڑن سطح کے فٹ بال ٹورنامنٹ کے لیے دن بھر اپنی چستی، ٹیم ورک اور کھیل کا مظاہرہ کیا۔بتا دیں کہ ضلع یوتھ سروسز اینڈ سپورٹس ڈیپارٹمنٹ پونچھ خطے میں کھیلوں کی صلاحیتوں کو پروان چڑھانے میں سب سے آگے رہا ہے اور یہ ایونٹ نوجوانوں میں کھیلوں اور جسمانی فٹنس کو فروغ دینے کے ان کے عزم کا ایک اور ثبوت ہے۔ جیسے ہی دن کا اختتام ہوا۔ منتخب کھلاڑیوں کو خصوصی تربیت سے گزرنے اور آئندہ علاقائی اور ریاستی سطح کے مقابلوں میں پونچھ کی نمائندگی کرنے کا موقع ملے گا۔ ایونٹ نے نہ صرف صحت مند مقابلے کی حوصلہ افزائی کی بلکہ نوجوان فٹ بال کے شائقین کے درمیان دوستی کے جذبے کو بھی فروغ دیا۔ پونچھ میں اس ٹریل کم سلیکشن فٹ بال ایونٹ کی کامیابی ضلع کے اندر فٹ بال میں بڑھتی ہوئی دلچسپی اور صلاحیت کی عکاسی کی۔اس موقعہ پر راجندر سنگھ، نریندر سنگھ، ترلوچن سنگھ، پون دیپ سنگھ، منظور احمداور پرویز احمد ڈسٹرکٹ کوآرڈی نیٹر پریس اور پبلسٹی پونچھ موجود تھے۔
