ریلوے کے 34665 پل سو سال پرانے

نئی دہلی//یواین آئی// ملک میں 34665 ریلوے پل سو سال پرانے ہیں جن کا باقاعدگی سے سروے اور نگرانی کی جاتی ہے ۔جمعہ کو ایوان بالا راجیہ سبھا میں ایک سوال کے جواب میں ریلوے کے وزیر پیوش گوئل نے کہا کہ ریلوے کے پاس ایک لاکھ سے زیادہ پل ہیں جن کا باقاعدگی سے سروے کیا جاتا ہے اور ان کے معیار اور رکھ رکھاؤ کی دیکھ بھال کی جاتی ہے ۔ انہوں نے کہا کہ پچھلے 22 ماہ کے دوران ریلوے حادثات میں کسی مسافر کی موت نہیں ہوئی ہے ۔