جموں کے مفاد میں متحد ہوجائیں: رانا

پونی چک (رائے پور دومانا)//جموں کے لوگوں کواس خطہ اور اس کے ذیلی علاقوں کے حقوق کو برقرار رکھنے کے لیے پارٹی وابستگی ، مذہب اور ذات سے اوپر اٹھ کر متحد ہونے کی اپیل کرتے ہوئے نیشنل کانفرنس کے صوبائی صدر دیویندر سنگھ رانا نے کہا کہ خطے کی مخصوص خواہشات اور ترقیاتی امنگوں کی تکمیل کے لیے متحدہ اپروچ ضروری ہے۔ ان کا کہنا تھا کہ ان کو نہ تو نظر انداز کیا جا سکتا ہے اور نہ ہی سرد خانے کے حوالے کیا جا سکتا ہے۔صوبائی صدر نے رائے پور۔دومانہ حلقہ کے پونی چک میں ایک جلسہ عام سے خطاب کرتے ہوئے کہا کہ ہمیں جامع جموں و کشمیر کے لیے ایک بہتر جموں کی تعمیر کرنی ہوگی جو بالآخر ہماری عظیم قوم کو روشن اور متحرک بنائے گی۔بہادروں کی اس زمین نے ہمیشہ ایک متحدہ فورس کی حیثیت سے اہم کردار ادا کیا ہے اور دوستی اور بھائی چارے کی اعلی روایات کو برقرار رکھنے میںآزمائشی اوقات میں بھی کلیدی کردار نبھایاہے۔رانا نے کہا کہ سول سوسائٹی ، سیاسی قیادت ، سماجی مذہبی تنظیم اور دانشور ایک ساتھ آکر اور جموں و کشمیر کو ایک واحد ہستی کے طور پر جموں و کشمیر کے مجموعی دائرہ کار کے تحت جموں خطے کے سیاسی بااختیار بنانے کے لیے ایک روڈ میپ بنا کر بہت فرق کر سکتے ہیں۔ وہ اپنے سیاسی اور معاشرتی وعدوں کو آزادانہ طور پر پورا کر سکتے ہیں لیکن جب جموں خطے کے مفاد کی بات آتی ہے تو انہیں ایک ہی صفحے پر ہونا چاہیے۔جموں مفاد کے مشترکہ ایجنڈے میں سیاسی نظریات میں تفرقہ ڈالنے کی اجازت نہیں دی جانی چاہیے۔ انہوں نے کہا کہ آنے والی نسلوں کے پاس وسائل کے علاوہ گورننس کے مواقع کے حوالے سے برابر کھیل کا میدان ہونا چاہیے۔ انہوں نے کہا کہ تاریخ جموں سول سوسائٹی کو اپنے اعمال سے فیصلہ کرے گی نہ کہ صرف دعووں سے۔ رانا نے اس یقین کا اظہار کیا کہ عوام خطے کی ہم آہنگ ترقی کے لیے اکٹھے ہونے کی اہمیت کو سراہیں گے۔ تبدیلی کا محرک بننے میں نوجوانوں کا اہم کردار ہے۔ انہوں نے کہا کہ پہلا اور سب سے اہم چیلنج یہ ہو گا کہ واحد ایجنڈے پر عمل کیا جائے لیکن ساتھ ہی ساتھ جموں و کشمیر کے مختلف علاقوں ، ذیلی علاقوں اور برادریوں کے درمیان ہم آہنگی قائم کی جائے جس کو ہر قیمت پر یقینی بنانا ہوگا۔