عظمیٰ نیوز سروس
سرینگر//3جولائی کی صبح شروع ہونے والی سالانہ امرناتھ یاترا 2026 کے پہلے ہی جموں و کشمیر پولیس کے افسروں اور جوانوں نے انسانی ہمدردی کا ایسا عملی مظاہر کیاکہ یاتری اْن کی تعریف کئے بنا نہیں رہے۔یاتراکے پہلے روز مسلسل بارش کے درمیان، اننت ناگ پولیس نے یاترا کے راستے میں یاتریوں کو مدد فراہم کرتے ہوئے، خراب موسمی حالات کے باوجود بزرگ عقیدت مندوں اور ضرورت مندوں کی مدد کرتے ہوئے اپنی انسانی کوششوں کو جاری رکھا۔
پولیس اہلکاروں کو یاتریوں کا سامان اٹھاتے ہوئے، پینے کا پانی پیش کرتے ہوئے اور یہاں تک کہ بزرگ عقیدت مندوں کو مقدس غار کی طرف سفر میں سہولت فراہم کرتے ہوئے دیکھا گیا۔پولیس اہلکاروںنے یاتریوںکا سامان خود اْٹھایااور کئی بزرگ یاتریوںکواپنے کاندھوں پر بٹھایا۔یہ اقدام جموں و کشمیر پولیس کے سالانہ یاترا کے دوران نہ صرف مضبوط سیکورٹی بلکہ ہمدردانہ عوامی خدمت کو یقینی بنانے کے عزم کی عکاسی کرتا ہے۔یاتریوں نے بروقت امداد اور انسانی ہمدردی کے لیے پولیس اہلکاروں کا تہہ دل سے شکریہ ادا کیا۔ پولیس کی طرف سے انسانی ہمدردی کے جذبے کو یاتریوں نے بڑے پیمانے پر سراہا، جنہوں نے مشکل موسمی حالات کے باوجود سیکورٹی سے بڑھ کر ان کی لگن، ہمدردی اور خدمت کے لیے اہلکاروں کی تعریف کی۔
