عظمیٰ نیوز سروس
سرینگر// یوم عاشورہ کے پروقار موقع پر، محرم کے 10ویں دن، لیفٹیننٹ گورنر منوج سنہا کے جڈی بل میں ذوالجناح کے جلوس میں شامل ہوئے۔ انہوں نے کہا کہ میں امام حسینؑ اور ان کے ساتھیوں کو خراج تحسین پیش کرتا ہوں، امن، محبت اور ہمدردی کے لیے ان کی عظیم قربانی مساوات اور ہم آہنگی سے جڑے معاشرے کی تعمیر کے لیے ایک ابدی رہنما ہے۔ایل جی نے کہا کہ شہدائے کربلا نے غریبوں کے لیے بے لوث خدمت اور ہمدردی کا لازوال پیغام دیا۔ سماج کو سچائی، انصاف اور انسانیت کے راست راستے پر چلتے ہوئے ان کی اعلی زندگی اور خوبیوں سے تحریک حاصل کرنی چاہیے۔ لیفٹیننٹ گورنر نے سوگواروں کے درمیان مشروبات بھی پیش کی۔وزیر اعلیٰ عمر عبداللہ زادیبل میں یوم عاشورہ کے سوگواروں میں شامل ہوئے۔
