اونتی پورہ// جنوبی کشمیر کے ضلع پلوامہ کے اونتی پورہ علاقے میں ایک کمسن لڑکا گاڑی کی ٹکر سے جاں بحق ہو گیا۔
سرکاری ذرائع نے بتایا کہ بیگ پورہ، اونتی پورہ میں ایک نامعلوم گاڑی نے کمسن لڑکے کو ٹکر ماری، جس سے وہ شدید زخمی ہوگیا۔
ذرائع کے مطابق زخمی لڑکے کی شناخت فرقان مظفر ولد مظفر احمد شاہ ساکنہ رنزی پورہ، اونتی پورہ کے طور پر ہوئی ہے۔ فرقان کو فوری طور پر ہسپتال منتقل کیا گیا، جہاں وہ زخموں کی تاب نہ لاتے ہوئے چل بسا۔
مقامی لوگوں کے مطابق فرقان شاہ خاندان کا اکلوتا بیٹا تھا۔
دریں اثناء پولیس نے واقعے کا مقدمہ درج کر کے تحقیقات کا آغاز کر دیا ہے۔
اونتی پورہ میں گاڑی کی ٹکر سے کمسن لڑکا جاں بحق
