عظمیٰ ویب ڈیسک
سرینگر/وسطی کشمیر کے سرینگر ضلع کے مالورہ شالٹینگ علاقے میں دوران شب آگ لگنے سے پانچ رہائشی شیڈ جل کر خاکستر ہوگئے۔
حکام نے بتایا کہ جمعرات کی رات تقریباً 10:01 بجے مالورہ شالٹینگ میں آگ بھڑک اٹھی، جس نے پانچ رہائشی شیڈز کو اپنی لپیٹ میں لے لیا۔
جیسے ہی اطلاع ملی، فائر اینڈ ایمرجنسی سروس کے اہلکار فوری طور پر موقع پر پہنچ گئے اور آگ پر قابو پانے کی کوشش کی۔
حکام کے مطابق، آگ لگنے سے چھت، فرنیچر، بسترے اور گھریلو سامان کو شدید نقصان پہنچا، جبکہ کچھ سامان مکمل طور پر تباہ ہوگیا۔
فائر اینڈ ایمرجنسی سروسز کے اہلکاروں نے آگ کو قابو میں کر کے مزید تباہی سے بچا لیا۔ تاہم، آگ لگنے کی اصل وجہ فوری طور پر معلوم نہیں ہوسکی، حکام نے مزید کہا۔
