عظمیٰ نیوز سروس
سرینگر// مرکز نے جمعہ کے روز باضابطہ طور پر پہلی بار، ہندوستانی مسلح افواج کے 6 اہلکاروں کے ناموں کا انکشاف کیا، جو آپریشن سندور کے دوران مارے گئے تھے، جو کہ مئی 2025 میں پاکستان اور پی او کے میں ملی ٹینٹوںکے بنیادی ڈھانچے کے خلاف شروع کی گئی سرحد پار فوجی کارروائی تھی۔ان ناموں کو نیشنل وار میموریل کی آفیشل ویب سائٹ پر شائع کیا گیا ہے اور آپریشن کے ایک سال سے زیادہ عرصے کے بعد نئی دہلی میں نیشنل وار میموریل پر لکھا گیا ہے۔6 اہلکاروں میں ہیڈ کوارٹر 10 انفنٹری بریگیڈ ہیڈکوارٹرکے صوبیدار میجر پون کمار، جموں و کشمیر لائٹ انفنٹری 4 کے رائفل مین سنیل کمار، 5 فیلڈ رجمنٹ کے لانس نائیک دنیش کمار، 851 لائٹ رجمنٹ کے ایوی ایشن ٹیکنیشن موڈ مرلی نایک،237 فیلڈ ورکشاپ کمپنی کے حولدار سنیل کمار سنگھ اور ہندوستانی فضائیہ کے 39 ونگ کے سرندر کمار شامل ہیں۔رائفل مین سنیل کمار کو بعد از مرگ ویر چکر سے نوازا گیا، جو بھارت کا تیسرا اعلی ترین جنگی بہادری ایوارڈ ہے، جبکہ سارجنٹ سریندر کمار کو وایو میڈل ملا۔چھ اہلکاروں کے نام اب قومی جنگی یادگار میں شامل کیے گئے ہیں، جو ہندوستانی مسلح افواج کے ان ارکان کی یاد میں ہے جنہوں نے آزادی کے بعد سے فوجی کارروائیوں میں اپنی جانیں گنوائی ہیں۔نیشنل وار میموریل، جس کا افتتاح 2019 میں انڈیا گیٹ کے قریب کیا گیا تھا۔چھ ناموں کی شمولیت ان اہلکاروں کی پہلی باضابطہ عوامی شناخت کی نشاندہی کرتی ہے جو آپریشن سندھور کے دوران مارے گئے تھے۔اگرچہ حکومت نے ان حالات کی تفصیلات جاری نہیں کیں جن میں چھ اہلکاروں میں سے ہر ایک کی ہلاکت ہوئی، لانس نائیک دنیش کمار 7 مئی 2025 کو پونچھ ضلع میں لائن آف کنٹرول کے ساتھ پاکستانی گولہ باری کے دوران ہلاک ہوئے۔
