عظمیٰ ویب ڈیسک
تہران/ایرانی وزیر خارجہ سید عباس عراقچی نے ان خبروں کی تردید کی ہے جن میں دعوی کیا گیا ہے کہ سپریم لیڈر علی خامنہ ای اور صدر مسعود پیزشکیان ایران پر امریکی حملوں میں مارے گئے ہیں اور کہا ہے کہ دونوں رہنما محفوظ اور صحت مند ہیں۔امریکی ٹی وی نیوز چینل این بی سی نیوز کے ساتھ انٹرویو میں، مسٹر عباس عراقچی نے کہا، “رہبر انقلاب اسلامی (خامنہ ای) اور صدر پیزشکیان محفوظ اور صحت مند ہیں۔”
ایرانی وزیر خارجہ نے یہ بھی کہا کہ ایرانی حکومت کے بیشتر اعلیٰ اہلکار محفوظ ہیں۔ تاہم، انہوں نے یہ امکان بھی ظاہر کیا کہ ان حملوں میں ایک یا دو کمانڈر “شہید” ہو سکتے ہیں۔امریکہ اور اسرائیل نے جمعہ کی دیر شب ایران پر حملے شروع کر دیئے۔ کچھ رپورٹس میں دعویٰ کیا گیا تھا کہ ایران کے اعلیٰ رہنما، صدر اور وزیر دفاع ہلاک ہو گئے ہیں۔
