یواین آئی
کابل// وزارت برائے مہاجرین و بازآبادکاری کی اتوار کو جاری کردہ ایک رپورٹ کے مطابق گزشتہ ہفتے کے دوران کل 1,07,037 افغان پناہ گزین ہمسایہ ممالک ایران اور پاکستان سے اپنے وطن واپس آئے ہیں۔وزارت نے بتایا کہ تمام واپس آنے والوں کو بنیادی امداد فراہم کی گئی ہے، جن میں خوراک، پینے کا پانی، طبی سہولیات اور اپنے اپنے آبائی علاقوں تک مفت ٹرانسپورٹ شامل ہے۔اس کے علاوہ دوبارہ آبادکاری میں مدد کے لیے 23 لاکھ امریکی ڈالر سے زیادہ نقد امداد بھی فراہم کی گئی ہے۔اقوام متحدہ کے ہائی کمشنر برائے مہاجرین کی اگست کے اوائل میں جاری رپورٹ کے مطابق رواں سال اب تک 23 لاکھ سے زیادہ افغان پناہ گزین پاکستان اور ایران سے واپس آ چکے ہیں۔
