یو این آئی
پیرس//غزہ میں اسرائیلی فوج کی جانب سے صحافیوں کو نشانہ بنائے جانے کے خلاف دنیا بھر کے 250میڈیا آوٹ لیٹس نے اپنے پہلے صفحات اور پروگرامز کو بلیک آوٹ کردیا۔غزہ میں 2سال سے جاری اسرائیلی حملوں اور صحافیوں کے قتل عام کے خلاف اس منفرد مگر طاقتور احتجاج کا اہتمام صحافیوں کی حقوق کے لیے کام کرنے والی عالمی تنظیم رپورٹرز ود آٹ بارڈر(آر ایس ایف)اور عالمی مہم چلانے والی تحریک آواز کی جانب سے کیا گیا۔رپورٹ کے مطابق اسرائیلی فوج کے ہاتھوں قتل عام کے خلاف اور صحافیوں کے حق میں ہونے والے اس احتجاج میں تاریخ میں پہلی مرتبہ 70سے زائد ممالک کے 250میڈیا آوٹ لیٹس اپنے فرنٹ پیچ، ویب سائٹس ہوم پیچز اور اپنی براڈکاسٹنگ کو بلیک آوٹ کیا ہے۔ رپورٹرز ود آٹ بارڈر کے مطابق اس احتجاج میں قطر، فرانس، برطانیہ، جرمنی، فلسطین، جنوبی کوریا، اسپین اور اٹلی سمیت 70 ممالک کے میڈیا آوٹ لیٹس حصہ لے رہے ہیں۔رپورٹرز ود آٹ بارڈر نے فلسطینی صحافیوں کے تحفظ، غزہ میں میڈیا کی آزاد رسائی، فلسطینی صحافیوں کے خلاف ہونے والے اسرائیلی فوج کے جرائم روکنے کا مطالبہ کیا ہے۔رپورٹ کے مطابق احتجاج کے دوران ٹیلی ویژن اور ریڈیو اسٹیشن مشترکہ بیان بھی نشر کریں گے جب کہ آن لائن میڈیا آٹ لیٹس یکجہتی کی علامت کے طور پر اپنے ہوم پیجز کو بلیک آٹ کریں گے یا بینر شائع کریں گے۔
