یو این آئی
نئی دہلی// مرکزی وزیر داخلہ امت شاہ نے منشیات کے غلط استعمال اور غیر قانونی اسمگلنگ کے خلاف بین الاقوامی دن کے موقع پر اس مسئلہ سے نمٹنے میں مصروف تمام افراد اور تنظیموں کو مبارک باد دیتے ہوئے انہیں ‘منشیات سے پاک ہندوستان کی لڑائی میں جنگجو اور اتحادی’ قرار دیا ہے ۔جمعرات کو سوشل میڈیا پلیٹ فارم ‘ایکس’ پر شیئر کیے گئے اپنے پیغام میں شاہ نے منشیات کی لعنت کی سنگینی پر زور دیا اور کہا کہ اس کے خاص طور پر نوجوانوں پر تباہ کن اثرات مرتب ہوتے ہیں۔ انہوں نے کہا، “منشیات کے استعمال کے خلاف بین الاقوامی دن پر، منشیات سے پاک ہندوستان کی ہماری لڑائی میں ہمارے تمام واریئرس اور اتحادیوں کو دل کی گہرائیوں سے نیک خواہشات۔”مودی حکومت کے منشیات کے استعمال کے خاتمے کے عزم کا اعادہ کرتے ہوئے شاہ نے کہا، “منشیات ہمارے نوجوانوں کی سب سے بڑی لعنت ہے ۔ مودی حکومت اس خطرے سے نمٹنے کے لئے مل کر نارکو کارٹل پر بے رحمی سے حملہ کررہی ہے اور منشیات کی لت میں پھنسے نوجوانوں کو ہمدردی کے ساتھ معمول کی زندگی میں واپس لارہی ہے ۔انہوں نے امید ظاہر کی کہ یہ دن منشیات کے غلط استعمال کے خطرے کے خلاف ملک کے عزم کو مزید تقویت دے گا۔ وزیر داخلہ نے کہا، “یہ دن منشیات کی لعنت کے خلاف ہمارے عزم کو مزید مضبوط کرے گا۔نشہ مکت بھارت‘‘۔
