عظمیٰ ویب ڈیسک
سرینگر/سرینگر کے 30 سالہ نوجوان کی موت ہو گئی جبکہ چار دیگر افراد زخمی ہو گئے جب جمعرات کی رات دیر گئے بلیوارڈ روڈ پر ایک حادثہ پیش آیا۔
ایک سرکاری عہدیدار نے کشمیر بتایا کہ دانش احمد، ساکن ہارون، شدید چوٹیں آنے کے باعث دم توڑ گیا، جب دو گاڑیاں جن کے رجسٹریشن نمبر JK01AQ-9509 اور JK05K-4404 تھے، نہرو پارک کے قریب آمنے سامنے سے ٹکرا گئیں۔
زخمی ہونے والوں کی شناخت پرویز میر ولد محمد افضل ساکن بارہ مولہ، عامر وانی ولد عبدالرشید وانی ساکن بانڈی پورہ، یاسر احمد خان ولد عبد الحمید ساکن پٹن، اور عابد حسن ولد غلام حسن ساکن وحدت پورہ بڈگام کے طور پر ہوئی ہے۔
عہدیدار نے مزید بتایا کہ زخمیوں کا اسپتال میں علاج جاری ہے اور ان کی حالت مستحکم ہے۔
دریں اثناء پولیس نے واقعے کی تحقیقات شروع کر دی ہیں اور مزید تفصیلات کا انتظار ہے۔
