عظمیٰ نیوزسروس
جموں//چیف آف آرمی اسٹاف جنرل اوپندر دیویدی نے جموں و کشمیر کے پرگوال سیکٹر میں آپریشنل تیاریوں کا جائزہ لیا اور ٹائیگر ڈویژن کا دورہ کیا جہاں انہوں نے آپریشن سندور کے دوران شاندار کارکردگی کے لیے فوجی جوانوں کی سراہنا کی۔انہوں نے حفاظتی حرکیات کے جواب میں چست اور چوکس رہنے کی اہمیت پر زور دیا۔فوج کے ایڈیشنل ڈائریکٹوریٹ جنرل آف پبلک انفارمشن نے’ایکس‘پر اپنے ایک پوسٹ میں کہاکہ سی او اے ایس جنرل اپیندردویدی نے جموں و کشمیر کے پرگوال سیکٹر میں آپریشنل تیاریوں کا جائزہ لیا اور ٹائیگر ڈویژن کا دورہ کیا جہاں انہوں نے آپریشن سندور میں شاندار کارکردگی کے لیے فوجیوں کی تعریف کی۔انہوں نے حفاظتی حرکیات کو تیار کرنے کے جواب میں چست اور چوکس رہنے کی اہمیت پر زور دیا۔ان کا کہنا تھا’’موصوف سی او اے ایس نے بی ایس ایف کے فوج کے ساتھ قریبی آپریشنل تال میل کی بھی تعریف کی اور اکھنور سیکٹر میں آگے کی پوسٹوں کا دفاع کرنے کے لیے اسسٹنٹ کمانڈنٹ نیہا بھنڈاری اور ان کی ٹیم کی بہادری کی تعریف کی‘‘۔پوسٹ میں کہا گیاکہ دیویدی نے آپریشن سندور کے دوران مسلح افواج کی حمایت میں سابق فوجیوں کے قابل قدر تعاون کا بھی اعتراف کیا۔
