وزیر داخلہ پونچھ میں حالیہ گولہ باری سے متاثر ہونے والے خاندانوں سے ملاقات کریں گے: ست شرما

عظمیٰ ویب ڈیسک
سرینگر/بی جے پی جموں وکشمیر یونٹ کے صدر ست شرما کا کہنا ہے کہ وزیر داخلہ امیت شاہ اپنے دورہ جموں و کشمیر کے دوران پونچھ میں پاکستان کی طرف سے حالیہ گولہ باری سے متاثر ہونے والے خاندانوں سے ملاقات کریں گے۔انہوں نے کہا کہ وزیر داخلہ کا یہ دورہ سرکاری ہے وہ پارٹی کے پروگرام پر یہ دورہ نہیں کر رہے ہیں۔
واضح رہے کہ داخلہ امت شاہ اپنے دو روزہ دورے پر آج شام جموں پہنچ رہے ہیں جہاں وہ سیکورٹی صورتحال کا جائزہ لینے کے ساتھ ساتھ پاکستانی گولہ باری سے متاثرہ ضلع پونچھ کا دورہ کریں گے۔یہ ان کا آپریشن سندور کے بعد جموں و کشمیر کا پہلا دورہ ہوگا۔
اس دورے کے متعلق پوچھے جانے پر ست شرما نے جمعرات کو میڈیا کو بتایاوزیر داخلہ دورہ پونچھ کے دوران ان گھروں میں جائیں گے جن کے افراد پاکستانی گولہ باری سے شہید ہوئے ہیں اور ان گھروں میں بھی جائیں گے جنہیں مالی نقصان ہوا ہے۔
انہوں نے کہا کہ یہ وزیر داخلہ کا سرکاری دورہ ہے وہ پارٹی کے پروگرام پر یہ دورہ نہیں کر رہے ہیں۔ان کا کہنا تھامیری قیادت میں ایک پانچ رکنی ٹیم نے گولہ باری سے متاثرہ علاقوں کا دورہ کیا اور اس سلسلے میں ایک رپورٹ لیفٹیننٹ گورنر منوج سنہا اور وزیر داخلہ امیت شاہ کے دھیان میں لائی ہے۔