عظمیٰ ویب ڈیسک
سری نگر/جموں و کشمیر پولیس کی ا سٹیٹ تحقیقاتی ایجنسی (ایس آئی اے) نے ہفتے کے روز وسطی اور شمالی کشمیر میں سلیپر سیل ماڈیول سے متعلق ایک معاملے میں 11 مقامات پر وسیع پیمانے پر چھاپے مارے۔
یہ چھاپے ایف آئی آر نمبر 01/2025 U/S 13, 17, 18, 18-B, 38, 39 UA(P) ایکٹ P/S CI/SIA کشمیر کے تحت درج ایک کیس کی تحقیقات کے سلسلے میں مارے گئے تھے۔
ایجنسی کے ایک ترجمان نے اپنے ایک بیان میں کہاسلیپر سیل ماڈیول سے متعلق تحقیقات میں، ایس آئی اے، کشمیر کی طرف سے پورے جنوبی کشمیر میں مارے گئے چھاپوں کے تسلسل میں آج وسطی اور شمالی کشمیر میں تقریباً 11 مقامات پر وسیع پیمانے پر چھاپے مارے گئے۔
انہوں نے کہا یہ چھاپے ایف آئی آر نمبر 01/2025 U/S 13, 17, 18, 18-B, 38, 39 UA(P) ایکٹ P/S CI/SIA کشمیر کے تحت درج ایک کیس کی تحقیقات کے سلسلے میں مارے گئے تھے۔
ان کا کہنا تھا مجازعدالت کی طرف سے اجازت کے بعد یہ تلاشی کارروائیاں ایگزیکٹو مجسٹریٹوں کی موجودگی میں انجام دی گئیں۔بیان میں کہا گیا کہ ‘چھاپوں کے دوران، قابل اعتراض مواد قبضے میں لے لیا گیا ہے اور مشتبہ افراد کو مزید پوچھ گچھ کے لئے حراست میں لیا گیا۔
انہوں نے کہاابتدائی تحقیقات سے یہ بات واضح طور پر سامنے آئی ہے کہ یہ او جی ڈبلیوز دہشت گردی کی سازش، پروپیگنڈہ کرنے اور ہندوستان مخالف بیانیہ کو آگے بڑھانے میں سرگرم عمل ہیں جس کا مقصد نہ صرف ہندوستان کی خودمختاری اور علاقائی سالمیت کو چیلنج کرنا ہے بلکہ بے اطمینانی، عوامی انتشار اور فرقہ وارانہ منافرت کو بھڑکانا بھی ہے۔
بیان میں کہا گیاریاستی تحقیقاتی ایجنسی، کشمیر قومی سلامتی کے تحفظ اور امن عامہ کو برقرار رکھنے کے عزم میں ثابت قدم ہے، یہ کسی بھی قسم کی علاحدگی پسند اور دہشت گردانہ سرگرمیوں میں ملوث افراد یا گروہوں کے خلاف سخت کارروائی جاری رکھے گی۔انہوں نے کہایہ مشاہدہ کیا گیا ہے کہ آن لائن بنیاد پرستی میں ملوث ہونے کے لیے ایس آئی اے کی چھان بین کے تحت زیادہ تر افراد 18 سے 22 سال کے متاثر کن عمر کے گروپ میں آتے ہیں۔
ان کا کہنا ہےاس تناظر میں اساتذہ، والدین اور ساتھیوں کا کردار انتہائی اہم ہو جاتا ہے اگرچہ مستقل نگرانی ہمیشہ ممکن نہیں ہوسکتی ہے، لیکن نوجوان افراد کی آن لائن سرگرمیوں سے چوکنا رہنا چاہئے اور اگر کوئی پریشان کن رویہ نظر آتا ہے تو بروقت رہنمائی کی جانی چاہئے۔
بیان میں کیا گیا اگر ضروری ہو تو، معاملے کی اطلاع مقامی پولیس حکام کو دی جانی چاہیے تاکہ اس بات کو یقینی بنایا جا سکے کہ ایسے نوجوانوں کو مناسب مداخلت اور مشاورت مل سکے۔
