یو این آئی
نئی دہلی//وزیر اعظم نریندر مودی نے سال 2024میں اپنی حکومت کی کامیابیوں پر خوشی کا اظہار کرتے ہوئے کہا ہے کہ حکومت سال 2025میں اس سے بھی زیادہ محنت کرنے اور ترقی یافتہ ہندوستان کے خواب کو شرمندئہ تعبیر کرنے کیلئے پرعزم ہے۔ سوشل میڈیا پلیٹ فارم ’ایکس ‘پر MyGovIndiaکے ذریعے پوسٹ کیے گئے ایک ویڈیو کا جواب دیتے ہوئے مودی نے کہا’’اجتماعی کوششیں اور تبدیلی کے نتائج!۔2024میں بہت سی کامیابیاں حاصل کی گئی ہیں جنہیں اس ویڈیو میں خوبصورتی سے دکھایا گیا ہے۔ ہم 2025 میں مزید محنت کرنے اور ترقی یافتہ ہندوستان کے اپنے خواب کو پورا کرنے کے لیے پرعزم ہیں‘‘۔
