عظمیٰ ویب ڈیسک

کٹھوعہ// جموں و کشمیر پولیس نے چار ملی ٹینٹوں کے خاکے جاری کئے ہیں جنہیں آخری بار ضلع کٹھوعہ کے ملہار، بنی اور سیوجدھر علاقوں میں دیکھا گیا تھا۔

پولیس نے ہر ملی ٹنٹ کے بارے میں قابل عمل معلومات فراہم کرنے والے کو 5 لاکھ روپیے انعام دینے کا اعلان کیا ہے۔
کٹھوعہ پولیس نے ہفتہ کے روز ‘ایکس پر ایک پوسٹ میں کہا،”کٹھوعہ پولیس چار ملی ٹینٹوں کے خاکے جاری کر رہی ہے جنہیں آخری بار ملہار، بنی اور سیوجدھر کے ڈھوکوں میں دیکھا گیا تھا”۔
اُنہوں نے مزید کہا، “‘ہر ملی ٹینٹ سے متعلق قابل عمل معلومات فراہم کرنے والے کو 5 لاکھ روپیے نقد انعام سے نوازا جائے گا”۔
پولیس نے مزید کہا کہ معلومات اور اطلاعات دینے والے افراد کی شناخت کو خفیہ رکھا جائے گا۔