۔10 روز بعد کشتواڑ پاڈر سڑک بحال | سینکڑوں درماندہ گاڑیوں کونکال لیاگیا

عاصف بٹ
کشتواڑ //کشتواڑ پاڈر سڑک بلاآخر 10 روز بعد گاڑیوں کی آمد ورفت کیلئے کھول دی گئی ۔ اگرچہ منگل کی شام کو ہی درماندہ مسافروں کو سڑک سے نکالا گیاتھا وہی بدھ کی صبح اس پر درماندہ گاڑیوں کو نکالا گیاجسکے بعد چھوٹی گاڑیوں کو اس پر چلنے کی اجازت دی گئی ۔قریب دس روز قبل پتھرنکی کے مقام پر سڑک پر بھاری پسی گرائی تھی جسکے سبب سڑک پر آمدرفت متاثر ہوئی تھی جسکے بعد بیکن و انتظامیہ نے سڑک کو بحال کرنے کا کام شروع کیا تھا پسی گرآنے کے سبب قریب سو میٹر کی سڑک مکمل طور بند ہوگئی تھی جبکہ پل کو بھی جزوی نقصان پہنچاتھا جسکے بعد بحالی کا کام شروع کیاگیاتھا اور دس روز بعد سڑک کو آمدرفت کیلئے بحال کردیاگیا جس کو لے کر علاقہ میں خوشی کی لہر پائی جارہی ہے۔ مقامی لوگوں نے بتایا کہ آنے والے دنوں میں مچیل یاترا بھی شروع ہونے والی ہے جسے لاکھوں کی تعداد میں شردھالوں اس سڑک پر سفر کریں گئے ۔