عظمیٰ ویب ڈیسک

سرینگر// سرینگر کے زینہ کدل علاقے کے قریب جمعرات کی شام دریائے جہلم میں چھلانگ لگانے والے ایک شخص کی لاش کو نکالنے کے لیے سرچ آپریشن تیسرے دن میں داخل ہو گیا ہے۔
ذرائع نے بتایا کہ تلاشی مہم کیلئے بحریہ کے مارکوس کمانڈوز کو بھی شامل کیا گیا ہے۔
انہوں نے بتایا کہ زکورہ، سرینگر کے فاروق احمد شانگلو (60) نے جمعرات کی دیر شام زینہ کدل کے قریب دریائے جہلم میں چھلانگ لگا دی تھی۔
اُنہوں نے کہا، “اس کے فوراً بعد ایس ڈی آر ایف اور ریور پولیس نے تلاشی مہم شروع کی، لیکن وہ لاش کو تلاش نہیں کر سکے۔ آج مارکوس کو بھی اس آپریشن میں شامل کیا گیا”۔