عظمیٰ ویب ڈیسک

جموں// وزیر اعظم نریندر مودی 32 ہزار کروڑ روپے کے تعلیم، ریلوے، ہوا بازی اور سڑک کے شعبوں سمیت متعدد ترقیاتی منصوبوں کا آغاز کیا۔
مودی نے جموں و کشمیر کے تقریباً 1 ہزار 500 نئے بھرتی ہونے والے سرکاری ملازمین کو تقرری کے خطوط بھی تقسیم کئے اور ’وکست بھارت، وکست جموں‘ پروگرام کے تحت مختلف سکیموں کے استفادہ کنندگان کے ساتھ بات چیت کی۔
مودی جن ریلوے پروجیکٹوں کا افتتاح کیا ان میں بانہال-کھڑی-سمبڑ-سنگلدان (48 کلومیٹر) کے درمیان ریلوے لائن اور بارہمولہ-سرینگر-بانہال-سنگلدان سیکشن (185.66 کلومیٹر) کے درمیان برقی لائن شامل ہے۔
مودی نے وادی میں پہلی الیکٹرک ٹرین اور سنگلدان اور بارہمولہ سٹیشنوں کے درمیان ٹرین سروس کو جھنڈی دکھا کر روانہ کیا۔
مودی نے ملک بھر میں تعلیم اور ہنر مندی کے بنیادی ڈھانچے کو اپ گریڈ کرنے اور ترقی دینے کی سمت ایک اہم قدم میں مودی تقریباً 13,375 کروڑ روپے کے کئی پروجیکٹوں کا افتتاح اور سنگ بنیاد کیا۔
ان پروجیکٹوں میں آئی آئی ٹی بھیلائی، آئی آئی ٹی تروپتی، آئی آئی ٹی جموں، آئی آئی آئی ٹی ڈی ایم کانچی پورم، انڈین انسٹی ٹیوٹ آف سکلز (آئی آئی ایس) کے لیے مستقل کیمپس، کانپور میں واقع جدید ٹیکنالوجیز پر علمی ہنر مندی کا تربیتی ادارہ اور دیوپریاگ (اتراکھنڈ) میں سنٹرل سنسکرت یونیورسٹی کے کیمپس شامل ہیں۔ اُنہوں ملک میں تین نئے آئی آئی ایم – آئی آئی ایم جموں، آئی آئی ایم بودھ گیا اور آئی آئی ایم وشاکھاپٹنم – کے علاوہ کیندریہ ودیالیوں (کے وی) کے لیے 20 نئی عمارتیں اور ملک بھر میں نوودیا ودیالیاس (این وی) کی 13 عمارتوں کا بھی افتتاح کیا ۔
جموں اور کشمیر کے لوگوں کو جامع، معیاری اور جامع ترتیری نگہداشت صحت کی خدمات فراہم کرنے کی اپنی حکومت کی کوششوں کے ایک حصے کے طور پر، وزیر اعظم آل انڈیا انسٹی ٹیوٹ آف میڈیکل سائنسز (AIIMS)، وجے پور (سانبہ)، جموں کا افتتاح کیا۔ انسٹی ٹیوٹ، جس کا سنگ بنیاد اُنہوں نے فروری 2019 میں رکھا تھا، مرکزی حکومت کی سکیم ’پردھان منتری سوستھیا تحفظ یوجنا‘ کے تحت قائم کیا جا رہا ہے۔ 1,660 کروڑ روپے سے زیادہ کی لاگت سے قائم کیا گیا اور 227 ایکڑ سے زیادہ رقبے پر پھیلا ہوا یہ ہسپتال 720 بستروں، 125 نشستوں والا ایک میڈیکل کالج، 60 نشستوں والا ایک نرسنگ کالج، 30 بستروں والا آیوش بلاک، رہائشی سہولیات، فیکلٹی اور عملہ، یو جی اور پی جی طلباءکے لیے ہاسٹل اور دیگر سہولیات کے ساتھ ایک شاپنگ کمپلیکس سے لیس ہے۔
دیگر منصوبوں کے علاوہ، مودی جموں ہوائی اڈے پر ایک نئی ٹرمینل عمارت کا سنگ بنیادرکھا۔ 40,000 مربع میٹر پر پھیلی یہ نئی ٹرمینل عمارت جدید سہولیات سے آراستہ ہوگی جس میں مصروف اوقات کے دوران تقریباً 2,000 مسافروں کی سہولت ہوگی، یہ ماحول دوست ہوگی اور مقامی لوگوں کی نمائش کرے گی۔
مودی نے دہلی-امرتسر-کٹرہ ایکسپریس وے کے دو پیکجوں (44.22 کلومیٹر) سمیت اہم سڑکوں کے پروجیکٹوں کا سنگ بنیاد رکھیں گے جو جموں کو کٹرہ سے جوڑتا ہے اور سرینگر رنگ روڈ کو چار لین کرنے کیلئے فیز ٹو کا بھی سنگِ بنیاد رکھیں گے۔
وزیرِ اعظم نے جموں میں بھی سی یو ایف (عام صارف سہولت) پٹرولیم ڈپو تیار کرنے کے منصوبے کا سنگ بنیاد رکھا۔
مودی نے جموں و کشمیر میں شہری بنیادی ڈھانچے کو مضبوط بنانے اور عوامی سہولیات کی فراہمی کیلئے 3,150 کروڑ روپے سے زیادہ کے کئی ترقیاتی منصوبوں کا افتتاح اور سنگ بنیاد بھی رکھا۔