یو این آئی
نئی دہلی// وزیر اعظم نریندر مودی نے کہا کہ کس طرح ملک میں خواتین بااختیار بنی ہیں اور سماج اور قوم کی خدمت میں لگی ہوئی ہیں، اس حیرت انگیز نظارے کی ایک جھلک 26 جنوری کو یوم جمہوریہ پریڈ میں دیکھنے کو ملی۔ ‘من کی بات’ کے 109ویں قسط میں مودی نے اتوار کو کہا’’اس بار 26 جنوری کی پریڈ بہت شاندار تھی، لیکن سب سے زیادہ تذکرہ پریڈ میں خواتین کی طاقت کو دیکھ کر ہوا۔جب کرتویہ پتھ پر سینٹرل سیکورٹی فورسز اور دہلی پولیس کی خواتین دستوں نے مارچ شروع کیا تو سب کا سر فخر سے اٹھ گیا۔خواتین بینڈ کے مارچ اور ان کے زبردست تال میل کو دیکھ کر ملک و بیرون ملک کے لوگ جھوم اٹھے۔ اس بار پریڈ میں مارچ کرنے والے 20 میں سے 11 دستے صرف خواتین کے تھے‘‘۔انہوں نے کہا، “ہم نے دیکھا کہ جو ٹیبلو سامنے آیا، اس میں تمام فنکار خواتین تھیں۔ ثقافتی پروگراموں میں تقریباً ڈیڑھ ہزار بیٹیوں نے حصہ لیا۔ ڈی آر ڈی او کی طرف سے لائی گئی جھانکی نے بھی سب کی توجہ مبذول کرائی۔ اس نے دکھایا کہ کس طرح خواتین کی طاقت ہر میدان میں ملک کی حفاظت کر رہی ہے، پانی، زمین، آسمان، سائبر اور اندرونی‘‘۔وزیراعظم نے کہا کہ کھیلوں کی دنیا میں بھی خواتین اپنی صلاحیتوں کا لوہا منوا رہی ہیں۔ انہوں نے کہا’’ابھی کچھ دن پہلے، راشٹرپتی بھون میں ارجن ایوارڈ تقریب میں ملک کے کئی ہونہار کھلاڑیوں اور ایتھلیٹوں کو اعزاز سے نوازا گیا تھا۔ یہاں بھی ایک چیز جس نے لوگوں کی توجہ اپنی طرف کھینچی وہ ارجن ایوارڈز پانے والی بیٹیاں اور ان کی زندگی کا سفر تھا۔ اس بار 13 خواتین کھلاڑیوں کو ارجن ایوارڈ سے نوازا گیا ہے، ان میں سے کئی نے بڑے ٹورنامنٹس میں حصہ لیا اور ہندوستان کا جھنڈا لہرایا۔
