یو این آئی
غزہ//اسرائیلی فوج کی الاقصٰی ہسپتال کے اطراف میں بمباری 40 سے زائد فلسطینی ہلاک ہوگئے ، 24 گھنٹے میں اسرائیلی حملوں مزید 249 فلسیطینی ہلاک ہوگئے ، حماس کی جوابی کارروائی میں 10 اسرائیلی فوجی ہلاک ہوگئے ۔
غزہ کے طبی ذرائع نے بتایا کہ اسرائیل نے الاقصی ہسپتال کے قریب میزائل حملے کیے ، جس کے نتیجے میں تقریباً 40 افرادہلاک ہوگئے ۔دوسری جانب امریکی وزیر خارجہ انٹونی بلنکن نے مغربی کنارے کے شہر رام اللہ میں فلسطینی اتھارٹی کے صدر محمود عباس سے ملاقات کی، جہاں انہوں نے غزہ پر اسرائیل کی جنگ روکنے کے لیے کی جانے والی کوششوں اور انسانی امداد میں تیزی لانے کی اہمیت پر تبادلہ خیال کیا۔اس کے علاوہ مصر نے غزہ میں اسرائیلی قیدیوں کی رہائی کے لیے ایک نئی ڈیل تجویز کرنے کے لیے حماس اور فلسطینی اسلامی جہاد سے رابطہ کیا ہے ۔7 اکتوبر سے غزہ پر اسرائیلی حملوں میں کم از کم 23 ہزار 357 افرادہلاک اور 59 ہزار 410 سے زیادہ زخمی ہو چکے ہیں، 7 اکتوبر کے حملے سے اسرائیل میں مرنے والوں کی نظر ثانی شدہ تعداد ایک ہزار 139 ہے ۔ادھراقوام متحدہ کی بین الاقوامی عدالت برائے انصاف میں اسرائیل کے خلاف فلسطینیوں کی نسل کشی پر جنوبی افریقا کی مقدمے کی پہلی سماعت کا ا?غاز ہوگیا۔
