یو این آئی
نیویارک //دنیا کے سب سے زیادہ رحم دل کہے جانے والے امریکی جج فرینک کیپریو سرطان کا شکار ہوگئے۔ امریکی ریاست رہوڈ ائئی لینڈ کے دارالحکومت پروویڈینس کی میونسپل کورٹ سے رواں برس جنوری میں چیف جج کے طور پر ریٹائر ہونے والے فرینک کیپریو لبلبے کے سرطان کا شکار ہوگئے ہیں۔87 سالہ جج نے انسٹاگرام پر جاری کی گئی جذباتی ویڈیو میں اپنی بیماری کا ذکر کرتے ہوئے لوگوں سے اپنی صحت یابی کے لیے دعاؤں کی اپیل کی ہے۔فرینک کیپریو نے اپنی ویڈیو میں بتایا کہ اس مرض کا انکشاف ان کی سالگرہ ( 24 نومبر ) کے قریب ہوا چنانچہ اس بار یہ سالگرہ ان کے لیے ماضی سے بہت مختلف ہے۔سابق چیف جج کے مطابق بوسٹن کے ڈانا فاربر کینسر انسٹی ٹیوٹ اور روڈ ا?ئی لینڈ کی میڈیکل ٹیم ان کا علاج کررہی ہیا ور وہ اس موذی مرض کا مقابلہ کرنے کے لیے پرعزم ہیں۔فرینک کیپریو 1985 سے جنوری 2023 تک پروویڈینس کی میونسپل کورٹ کے جج اور پھر چیف جج رہے۔ ان کی عدالت میں ٹریفک، پارکنگ وغیرہ جیسے مسائل سے متعلق مقدمات سنے جاتے تھے۔ان مقدمات کے دوران فرینک کیپریو دل چسپ ریمارکس اور رولنگز دیتے تھے۔ ان کا رویہ ہمدردانہ ہوتا تھا جس کی وجہ سے وہ مقبول ہوتے چلے گئے، اور پھر ان کی عدالتی کارروائی پر مبنی ایک ٹیلی ویڑن شو کا ا?غاز ہوا جس کا ٹائٹل ’ کاٹ ان پروویڈنس‘ تھا۔اس شو میں عدالتی کارروائی دکھائی جاتی تھی۔
