عاصف بٹ
کشتواڑ//ضلع کشتواڑ میں شبانہ درجہ حررات میں گراوٹ و سردی کی شدت میں اضافے کے ساتھ ہی لوگوں نے گرم ملبوسات کا استعمال شروع کردیاہے۔ اتوارکو لوگوں کی بڑی تعداد سنڈے مارکیٹ میں دیکھی گئی جہاں لوگوں نے جم کر گرم ملبوسات کی خریداری کی۔ سنڈے مارکیٹ میں صبح سے لیکر دیر شام تک عام لوگوں کی بھاری بھیڑ نظر آرہی تھی۔ بس سٹینڈ سے لیکر ہسپتال چوک تک دوکانداروں نے پٹریوں پر مال سجایا تھا اور لوگوں نے دن بھر گرم ملبوسات جن میں گرم جیکٹوں ، گرم جوتوں ، ٹروزر و دیگر گرم ملبوسات کی جم کر خریداری کی۔ لوگوں کی بھاری بھیڑ کے سبب ٹریفک بھی سست روی کا شکار رہا۔مقامی لوگوں نے بتایا کہ سردی کی شدت کے ساتھ ہی بازاروں میں جہاں دوکاندار بھاری قیمتوں پر کپڑے فروخت کرتے ہیں وہیں لوگ سستے داموں اور گرم ملبوسات خریدنے کو ترجیح دیتے ہیں جسکے سبب اتوار کو بڑی تعداد میں لوگ اس مارکیٹ کا رخ کرکے اپنی ضرورت کا سامان خریدتے ہیں ۔
