یو این آئی

رباط// مراکش میں جمعہ کی رات آنے والے شدید زلزلے میں مرنے والوں کی تعداد دو ہزار سے زیادہ ہو گئی ہے۔

اس دوران مراکش میں ہفتہ سے تین روزہ قومی سوگ کا اعلان کیا گیا ہے۔ مراکش کے بادشاہ محمد چہارم نے تباہ کن تباہی پر کل ایک اجلاس طلب کیا۔ اجلاس میں قومی سوگ کا اعلان کیا گیا۔

شاہی دفتر کی جانب سے جاری بیان کے مطابق قومی سوگ کے دوران تمام عوامی مقامات پر جھنڈےسرنگوں رہیں گے۔

ملک کی وزارت داخلہ کے تازہ ترین اعداد و شمار کے مطابق زلزلے کے نتیجے میں ہلاکتوں کی تعداد 2012 تک پہنچ گئی ہے جب کہ 2059 افراد زخمی ہوئے ہیں جن میں سے 1404 کی حالت تشویشناک ہے۔

ہندوستان ، امریکہ، عرب لیگ، مصر، متحدہ عرب امارات، فلسطین، سعودی عرب، قطر، تیونس، الجزائر، لبنان، لیبیا، ایران، ترکی، اسرائیل، فرانس اور جرمنی اور دیگر ممالک اور بین الاقوامی تنظیموں نے مراکش کو مدد کی پیشکش کی ہے۔