نوکری دینے کا جھانسہ | بڈگام کے ملازم کیخلاف چارج شیٹ داخل

عظمیٰ نیوز سروس
جموں// جموں و کشمیر پولیس کی کرائم برانچ نے ہفتہ کے روز ایک سرکاری ملازم کے خلاف ایک شخص کو اس کی بیوی کے لیے نوکری کا بندوبست کرنے کے بہانے 3 لاکھ روپے کی دھوکہ دہی کے الزام میں چارج شیٹ داخل کی۔ ایک ترجمان نے بتایا کہ 123 صفحات پر مشتمل چارج شیٹ بڈگام ضلع کے رہنے والے ملزم فیاض احمد بٹ کے خلاف عدالتی فیصلہ کے لیے عدالت میں دائر کی گئی جب تفتیش کے دوران دھوکہ دہی کے الزامات ثابت ہو گئے۔انہوں نے بتایا کہ جموں کے بخشی نگر علاقے کے رہائشی امریک سنگھ نے بٹ کے خلاف شکایت درج کرائی اور دعویٰ کیا کہ اس نے ڈوڈہ ضلع میں اپنی بیوی کے لیے سرکاری ملازمت کا بندوبست کرنے کے بہانے ان سے 3 لاکھ روپے کا دھوکہ کیا ہے۔ترجمان نے کہا کہ ملزم کے خلاف ابتدائی تصدیق شروع کر دی گئی تھی اور الزامات پہلی نظر میں ثابت ہو گئے تھے، جس کے نتیجے میں گہرائی سے تفتیش کے لیے باقاعدہ مقدمہ درج کیا گیا تھا۔