عظمیٰ نیوز سروس
جموں// باہو قلعہ کے وارڈ نمبر 48 میں آج ایک بیوہ کے رہائشی مکان میں گہری دراڑیں پڑ گئیں اور ایک کمرے کی دیواریں گر گئیں۔یہ گھر ایک بیوہ راج کماری کا ہے جو اپنے خاندان کے ساتھ رہتی ہے۔ تاہم، خوش قسمتی سے گھر میں دراڑیں پڑنے سے خاندان بال بال بچ گیا، اور پھر کمرے سے دیواریں گر گئیں۔کونسلر شام لال بسن نے معاوضے کا مطالبہ کیا ہے تاکہ غریب خاندان اپنے تباہ شدہ کمرے کو دوبارہ تعمیر کر سکے کیونکہ ان کے پاس کمائی کا کوئی ذریعہ نہیں ہے۔ انہوں نے یہ بھی کہا کہ خاندان کی کفالت کے لیے مالی امداد ضروری ہے۔
