گلوبل اوپن یونیورسٹی ناگالینڈ کے ذریعے فرضی بی پی ایڈ اسناد حاصل کرنیکا الزام
جموں//اکنامک جرائم ونگ، کرائم برانچ جموں نے ضلع راجوری میں جسمانی تعلیم کے کم از کم نو اساتذہ کو چارج شیٹ کیا ہے۔ اس سلسلے میں ایف آئی آر نمبر 19 آف 2018 کے تحت سیکشن 420، 465، 467، 468، 471، 201 120-B آر پی سی پولیس اسٹین کرائم برانچ جموں کے تحت جعلی ڈگریوں کا بندوبست کرنے اور انہیں محکمہ میں اعلیٰ گریڈ حاصل کرنے کے لیے استعمال کیا گیا۔آٹھ اساتذہ اور اس ایجنٹ کے خلاف 489 صفحات کا چالان پیش کیا گیا ہے جن کے ذریعے انہوں نے گلوبل اوپن یونیورسٹی ناگالینڈ کے نام پر فزیکل ایجوکیشن میں جعلی بیچلر ڈگریاں حاصل کیں۔ان آٹھ ملزمان میں فزیکل ایجوکیشن ٹیچرز اور ایجنٹ میں شیدا اختر دختر غلام قادر ساکن چوکیاں درہال ضلع راجوری، گلزار حسین ولد محمد اقبال ساکنہ درہال چوکیاں ضلع راجوری، پروین اختردختر نور حسین ساکن وارڈ نمبر 1 کھیوڑہ راجوری،کلدیپ سنگھ ولد سروپ سنگھ ساکنہ نوشہرہ، جمیل حسین ولد لال دین ساکنہ ضلع راجوری کی تحصیل دودسان بالا، اتمجیت سنگھ ولد رام سنگھ ساکنہ نوشہرہ، راجوری ، رگھوبیر چندر ولد کندن لال ساکنہ پترا راتحصیل ضلع راجوری، نیلم کماری شرما دختر راج رام شرما ساکن ٹھنڈاپانی تحصیل سندر بنی ضلع راجوری اور ایجنٹ محمد شبیر ولد محمد صدیق ساکن سیسمیت تحصیل تھنہ منڈی ضلع راجوری حال مکان نمبر 181 بلوال جموں شامل ہیں۔
اس کیس کی اصل وجہ ضلع راجوری کے بے روزگار جسمانی تربیت یافتہ نوجوانوں کی طرف سے درج کرائی گئی ایک تحریری شکایت ہے جس میں الزام لگایا گیا ہے کہ سال 2010 کے دوران ضلع راجوری میں سکریٹری ایس ایس آر بی سری نگر کے ذریعہ تقریباً 130 تقرریاں کی گئی تھیں اور زیادہ تر امیدواروں کے پاس C.P.ED یعنی جسمانی تعلیم میں سرٹیفکیٹ تھے۔BP.ED سرٹیفکیٹس کا انتظام گلوبل اوپن یونیورسٹی ناگالینڈ کے اساتذہ کے ذریعہ کیا گیا تھا، جبکہ وہ بی پی ایڈ کی کلاسوں میں شرکت کے لیے جسمانی طور پر یونیورسٹی میں کبھی شامل نہیں ہوئے۔ اسی طرح بہت سے دوسرے فزیکل ایجوکیشن ٹیچرز ہیں جنہوں نے ایجنٹوں کے ذریعے B.P.Ed ڈگریوں کا انتظام کیا اور اسی کو ڈسٹرکٹ یوتھ سروسز اینڈ سپورٹس آفیسر کے سامنے پیش کیا اور اپنی ڈیوٹی جوائن کرتے ہوئے گریڈ پے 2400 کی بجائے 2800 روپے کی گریڈ پے حاصل کرنے میں کامیاب ہوئے۔تحقیقات کے دوران شکایت کنندگان کے بیانات قلمبند کیے گئے، متعلقہ محکمے سے ریکارڈ حاصل کیا گیا، اس معاملے میں جعلی بی پی ایڈ کی ڈگریاں ضبط کی گئیں اور یہ معلوم ہوا کہ ملزم امیدواروں کو ضلع راجوری میں فزیکل ایجوکیشن ٹیچر کے طور پر سی پی ایڈ کی بنیادپر تعینات کیا گیا تھا۔۔تاہم، بعد میں انہوں نے بی پی ایڈ سرٹیفکیٹ مجاز اتھارٹی کے سامنے پیش کیے اور 2800 روپے کی اعلیٰ گریڈ پے حاصل کرنے میں کامیاب ہو گئے جس کے وہ حقدار نہیں تھے۔ضبط شدہ ریکارڈ سے پتہ چلتا ہے کہ مذکورہ بالا 08 ملزمان نے ایجنٹ کی مدد سے جعلی بی پی ای ڈی سرٹیفکیٹس کا انتظام کیا ہے۔
