حضرت بل سے شنکرا آچاریہ تک بائیک ریلی کا اہتمام

سرینگر//کشمیر سپیکس نامی ایک این جی او نے اتوار کو حضرت بل سے شنکرا آچاریہ تک ایک بائیک ریلی کا اہتمام کیا۔ ریلی کا تھیم ’’منشیات سے پاک کشمیر‘‘ تھا۔ریلی کو شہر کے میئر جنید عظیم متو، ایس پی حضرت بل اور کشمیر سپیکس کے چیئرمین میر اشفاق نے ہری جھنڈی دکھا کر روانہ کیا۔جنید عظیم متو، نے کہا کہ منشیات جیسی لعنت کو ختم کرنے کے لیے سول سوسائٹی کے ساتھ مل کر منشیات سے پاک کشمیر موجودہ نظام کا ایک اہم مرکز ہونا چاہیے۔کشمیر سپیکس نے کہا کہ ہم شہر کی انتظامیہ بالخصوص میئر اور ایس پی حضرت بلال کے اس سلگتے ہوئے مسئلے میں تعاون کے مشکور ہیں اور مستقبل میں بھی ان سے یہی توقع رکھتے ہیں۔انہوں نے کہا کہ ہماری توجہ اپنے نوجوانوں کے لیے روزگار کے مواقع پیدا کرنے پر ہونی چاہیے اور اس بات کو یقینی بنانا چاہیے کہ ہمارے معاشرے سے منشیات کی لعنت کو جلد از جلد ختم کر دیا جائے۔