علم، سائنس اور آرٹ کا سنگم  | معاشرے کی خوشحالی کا راستہ ثقافتی سرگرمیاں طالب علموں کے ذہنوں کو روشن کرنے کا ذریعہ: منوج سنہا

نیوز ڈیسک
جموں//لیفٹیننٹ گورنر منوج سنہا نے جموں یونیورسٹی میں 36ویں انٹر یونیورسٹی نارتھ زون یوتھ فیسٹیول ’’انترناد‘‘ کا افتتاح کیا۔لیفٹیننٹ گورنر نے نوجوانوں کو فن کے ذریعے اظہار خیال کرنے کے لیے ’انترناد‘ جیسے مزید پلیٹ فارم فراہم کرنے کی ضرورت پر زور دیا۔لیفٹیننٹ گورنر نے کہا کہ “ثقافتی اور تخلیقی سرگرمیاں طالب علموں کو عمدگی حاصل کرنے، صلاحیتوں کو پروان چڑھانے، ذہنوں کو روشن کرنے اور ہماری آنے والی نسلوں کے لیے تہذیبی ورثے کو پروان چڑھانے کی ترغیب دیتی ہیں۔” انہوں نے کہا کہ”فنکارانہ مضامین ان کھڑکیوں کی مانند ہیں جو نوجوانوں کے لیے تخلیقی صلاحیتوں کی لامحدود کائنات کے لیے کھلتے ہیں۔انکا کہنا تھا کہ موسیقی، رقص، فنون لطیفہ، تھیٹر اور ادب طلباء کو اپنے خیالات کو تیز کرنے اور تخلیقی افق کو وسعت دینے کی ترغیب دیتے ہیں۔لیفٹیننٹ گورنر نے نوجوانوں کی حوصلہ افزائی کی کہ وہ اپنی فنی صلاحیتوں کو نکھاریں اور دوسروں کو اپنی تخلیقی صلاحیتوں سے متاثر کریں۔لیفٹیننٹ گورنر نے کہا”فنکارانہ اظہار فکری تحریک کا ذریعہ ہیں، میں طلبا کو اپنے آپ کو ’تروینی‘ کے طور پر تبدیل ہوتے دیکھنا چاہتا ہوں، علم، سائنس اور فن کا سنگم، جستجو کے احساس کے ساتھ ایک متوازن شخصیت، پرسکون، پرامن اور متحرک کا ماخذ ہے‘‘ لیفٹیننٹ گورنر نے نوجوان نسل کی صلاحیتوں کو پروان چڑھانے میں یونیورسٹیوں کے اہم کردار پر بھی روشنی ڈالی۔لیفٹیننٹ گورنر نے مزید کہا ‘‘معاشرے کی خوشحالی کا راستہ تعلیمی اداروں سے ہو کر گزرتا ہے۔ انترناد کا مطلب ہے اندر کی آواز۔ آرٹسٹک ڈسپلن ہمارے نوجوانوں کو اختراع، نئی ایجادات کے لیے نئی بصیرت فراہم کرے گا،‘‘ ۔انکا کہنا تھا کہہماری ثقافتی تاریخ، طرز زندگی، سماجی ترتیبات سب مربوط ہیں، اگر علم اور سائنس جسم ہے تو فن دماغ ہے۔ لیفٹیننٹ گورنر نے مشاہدہ کیا کہ یہ دونوں کے درمیان کامل ہم آہنگی ہے جو کسی بھی قوم کی ترقی کی بنیاد بناتی ہے۔”قومی تعلیمی پالیسی، وزیر اعظم نریندر مودی کی رہنمائی میں، نے پورے تعلیمی ایکو سسٹم کی نئی تعریف کی ہے۔ لیفٹیننٹ گورنر نے مزید کہاکہ یہ اختراع اور تخلیقی صلاحیتوں کو فروغ دیتا ہے اور طلباء کو تحقیق اور تخلیقی سرگرمیوں میں حصہ لینے کی ترغیب دیتا ہے،” ۔لیفٹیننٹ گورنر نے جموں و کشمیر کی یونیورسٹیوں کی فعال شرکت اور جموں کشمیر میں ہونے والے G20 ایونٹ کی تیاریوں میں طلباء کی شمولیت کی بھی خواہش کی۔