ریاض//حج اور عمرے کیلئے آنیوالے عازمین کو جدہ کے شاہ عبدالعزیز ائیر پورٹ سے مسجد الحرام تک آزمائشی فری شٹل سروس کا اعلان کر دیا گیا،عرب میڈیا کے مطابق کچھ روز قبل ائیر پورٹ انتظامیہ کی طرف سے حاجیوں اور عمرہ زائرین کے لیے اعلان کیا گیا تھا کہ جدہ ائیر پورٹ پر اترنے والوں کو مسجد حرام پہنچانے اور ان کی واپسی کے دونوں مواقع پر انہیں مفت ٹرانسپورٹ سروس فراہم کی جائے گی۔اس حوالے سے اب آزمائشی سروس کا آغازکیا گیا ہے تاکہ اس روٹ پر آنے اور جانے ے ڈرائیور اور دیگر عملہ نہ صرف آگاہ ہو سکے بلکہ اس کا تجربہ بھی کرسکے ،ہر دو گھنٹے بعد چلنے والی یہ خصوصی بسیں جدہ سے مکہ کے لیے 10بجے دن سے رات دس بجے تک چلے گی اور مکہ سے واپس جدہ کے ائیر پورٹ تک خدمات انجام دیں گی۔تاہم ان خصوصی بسوں سے وہی زائرین مستفید ہوں گے جو احرام میں ہوں گے جبکہ ان کے پاس ضروری دستاویزات کا ہونا بھی ضروری ہو گا،سعودی شہریوں کو بس سروس سہولت کے لیے قومی شناختی کارڈ دکھانا ہوگا اور سعودی عرب میں مقیم غیرملکی زائرین کواقامہ کارڈ پیش کرنا ہوگا۔ادھرسعودی عرب میں حکام نے بڑی مقدر میں ایمفیٹامین گولیاں اسمگل کرنے کی کوشش کو ناکام بنا دیا۔ العربیہ کی رپورٹ کے مطابق سعودی عرب کے جنرل ڈائریکٹوریٹ آف نارکوٹکس کنٹرول (جی ڈی این سی) نے کہا کہ ادارے نے بڑی مقدار میں ایمفیٹامین گولیاں اسمگل کرنے کی کوشش کو ناکام بنا دیا ہے۔انہوں نے سماجی روابط کی ویب سائٹ ٹوئٹر پر کہا کہ 40 لاکھ 91 ہزار 250 گولیوں کی کھیپ مویشیوں کے چارے کے بیچ میں چھپائی گئی تھی۔
