سرینگر//مرکزی وزیر خزانہ نے یہاں ریاستوں اور مرکز کے زیر انتظام علاقوں کے وزرائے خزانہ (مقننہ کے ساتھ) کے ساتھ بجٹ سے قبل مشاورت کی۔ اجلاس میں مرکزی وزرائے مملکت (خزانہ)، وزرائے اعلیٰ، نائب وزرائے اعلیٰ، جموں و کشمیر کے لیفٹیننٹ گورنر، وزرائے خزانہ، وزرا اور ریاستوں/مرکز کے زیر انتظام علاقوں اور مرکزی حکومت کے سینئر افسران نے شرکت کی۔ وزارت خزانہ کے اقتصادی امور کے محکمے کے سکریٹری نے اجلاس میں تمام شرکا کا خیرمقدم کیا اور آئندہ بجٹ کے لیے اس خصوصی مشاورت کی اہمیت سے آگاہ کیا۔ زیادہ تر شرکا ء نے قرض لینے کی حد میں اضافہ کرکے، دو اعلی درجے کی منتقلی کی قسطیں فراہم کرکے اور سرمایہ کے اخراجات کے لیے خصوصی امداد کے ذریعہ اپنی ریاستوں / مرکز کے زیر انتظام علاقوں کی مالی مدد کرنے کے لیے مرکزی وزیر خزانہ کا شکریہ ادا کیا۔ شرکا ء نے بجٹ تقریر میں شامل کرنے کے لیے مرکزی وزیر خزانہ کو متعدد تجاویز بھی دیں۔ مرکزی وزیر خزانہ نے بجٹ 2023-24کے بارے میں ان کی رائے اور تجاویز کے لیے شرکا ء کا شکریہ ادا کیا اور ہر تجویز کا جائزہ لینے کی یقین دہانی کرائی۔
بجٹ سے قبل مشاورت مرکزی وزیرخزانہ کا لیفٹنٹ گورنر منوج سنہا اورریاستوں کے وزرائے خزانہ سے تبادلہ خیال
