سید امجد شاہ
جموں//دہلی میں عام آدمی پارٹی (آپ) میں شامل ہونے والے رام نگر حلقہ کے سابق ممبر اسمبلی ہرش دیو سنگھ جموں پہنچے۔ہرش دیو کا جموں ہوائی اڈے پر ان کے حامیوں نے استقبال کیا اور وہ ایک ریلی کی شکل میں گاندھی نگر میں آپ کے دفتر پہنچے۔جیسے ہی ریلی پارٹی کے دفتر پہنچی، الیکشن کے شریک انچارج گورو شرما کا پارٹی کارکنوں نے استقبال کیا اور یہی وہ وقت تھا جب پارٹی کے پرانے لیڈروں اور حال ہی میں شامل ہونے والوں کے درمیان اختلافات دیکھے گئے۔پارٹی کے اندر موجود اختلافات کو دیکھنے والے پارٹی کے ایک اندرونی نے کہا”پارٹی کے پرانے رہنما اپنے دفتر سے باہر نہیں آئے تھے لیکن جب گورو شرما وہاں پہنچے تو انہوں نے ان کا استقبال کیا اور دوسروں کو نظر انداز کر دیا” ۔دریں اثنا، ہرش دیو سنگھ نے میڈیا سے بات چیت کرتے ہوئے کہا کہ لوگ جموں و کشمیر میں ایک متبادل چاہتے ہیں کیونکہ وہ موجودہ حکومت سے تنگ آچکے ہیں جس میں نہ کوئی ترقی ہے اور نہ ہی کوئی روزگار۔سابق رکن اسمبلی بلونت سنگھ کی پارٹی دفتر سے غیر موجودگی نے افواہوں کو جنم دیا۔ رابطہ کرنے پر منکوٹیا نے تاہم کہا کہ وہ ادھم پور میں میٹنگ کر رہے ہیں۔اگرچہ منکوٹیا غیر حاضر رہے لیکن سچیت گڑھ سے ڈی ڈی سی رکن ترنجیت سنگھ ٹونی اور سابق ایم ایل اے یشپال کنڈل آپ کے پارٹی دفتر میں موجود تھے۔پارٹی ذرائع نے کہا”دو/تین دن پہلے، جموں و کشمیر کے AAP رہنماؤں کا ایک وفد دہلی گیا تھا اور انہوں نے پارٹی قیادت کے سامنے اپنے مسائل پیش کیے تھے۔ پارٹی کے اندرونی ذرائع نے بتایا کہ ان کی تشویش کے بعد پارٹی نے الیکشن کے شریک انچارج گورو شرما کو جموں میں تعینات کیا ہے۔قابل ذکر بات یہ ہے کہ AAP نے جموں خطہ میں خود کو نئے سرے سے بنایا ہے جس میں بنیادی طور پر J&K نیشنل پینتھرس پارٹی کے قائم کردہ سیاستدانوں کی شمولیت ہے۔
