سابق نائب وزیر اعلی کا بنگلہ قضیہ
سی بی آئی کو شکایت کی موجودہ صورتحال سے آگاہ کرنے کی ہدایت
نئی دہلی//سینٹرل انفارمیشن کمیشن (سی آئی سی) نے جموں میں سی بی آئی کو ہدایت کی ہے کہ وہ ایک آر ٹی آئی درخواست دہندہ کو 15 دنوں کے اندر نظر ثانی شدہ جواب فراہم کرے جس نے سابق نائب وزیراعلیٰ نرمل سنگھ اور دیگران کے فوج کے گولہ بارود ڈیپو کے قریب بنگلے کی مبینہ غیر قانونی تعمیر کے خلاف ایف آئی آر کے اندراج کے لیے اپنی شکایت کی حیثیت جاننے کی کوشش کی تھی۔ ایڈوکیٹ شیخ شکیل احمد کی طرف سے دائر دوسری اپیل کو نمٹاتے ہوئے انفارمیشن کمشنر سروج پنہانی نے کہا کہ چیف پبلک انفارمیشن آفیسر (سی پی آئی او)، سی بی آئی نے غلطی سے اس معاملے میں معلومات فراہم کرنے سے چھوٹ کا دعویٰ کیا ہے۔انہوںنے نوٹ کیا کہ سی پی آئی او نے سماعت کے دوران کہا تھا کہ شکایت کو سی بی آئی کے اختتام پر بند کر دیا جائے گا کیونکہ ہائی کورٹ نے پہلے ہی اس معاملے پر قبضہ کر لیا تھا اور یہ معلومات پہلے فراہم نہیں کی جا سکتی تھیں کیونکہ آر ٹی آئی درخواست ایک ماہ کے اندر داخل کی گئی تھی۔ لہذا، سی آئی سی نے سی پی آئی او اور سپرنٹنڈنٹ آف پولیس، سی بی آئی اینٹی کرپشن برانچ، جموں کو ہدایت کی کہ اپیل کنندہ کو موجودہ صورتحال اور اس کی شکایت پر کی گئی کارروائی کی وضاحت کرتے ہوئے نظر ثانی شدہ جواب فراہم کریں۔
پانی کی عدم دستیابی کو لیکربلال آباد کی عوام سراپا احتجاج
عاصف بٹ
کشتواڑ//قصبہ کشتواڑ کے وارڈنمبر 3 کے بلال آباد کی عوام نے پانی کی عدم دستیابی کو لیکر متعلقہ محکمہ و انتظامیہ کے خلاف احتجاج کرکے جم کر نعرے بازی کی۔ جب لوگوں نے احتجاج کیا تو محکمہ نے ایک پانی کا ٹینکر بھیج کر عوام کو چپ کرایا۔ احتجاج کررہی خواتین نے بتایا کہ ا مسال سے ہمیں پانی نہیں مل رہا ہے جسے ہمیں کافی مشکلات کاسامناہیے۔انہوںنے کہاکہ اگرچہ انہوںنے ہزار مرتبہ محکمہ کے ملازمین کو پیش اارہی مشکلات کا ازالہ کرنے کو کہا لیکن صرف یقین دہانی کے سوا کچھ نہیں ملتا ہے ،حالت یہ ہے کہ گھروں میں پینے کا پانی تک دستیاب نہیں ہوتا جبکہ کپڑے دھونے کیلئے بھی مہینوں کاانتظار کرنا پڑتا ہے۔ان کا کہناتھا کہ محکمہ دور وز بعد ایک ٹینکر پانی لاتاہے جسے سینکڑوں گھروں کو پانی ملنا ناممکن ہے۔انہوںنے کہا کہ اگر پانی فراہم نہ کیاگیاتو وہ گرفتاری دینے کیلئے تیار ہیں۔
مطالبات پورے نہ ہوئے تو احتجاج ہوگا
میونسپل کمیٹی کے عارضی ملازمین کاایک بار پھر انتباہ
عاصف بٹ
کشتواڑ// ضلع کشتواڑ کی میونسپل کمیٹی میں کام کررہے عارضی ملازمین نے انتظامیہ سے انکے مطلبات کو آنے والے دنوں میںپورا کرنے کی مانگ کی ہے اور ساتھ ہی انتباہ دیا ہے کہ ایسا نہ ہونے کی صورت میں کام چھوڑ ہڑتال کی جائے گی۔ملازمین نے بتایا کہ اس سے قبل جب انہوںنے احتجاج کیا تھاتو انہیںچودہ اپریل تک کا وقت دیا تھا اور اگر انکے مسئلے حل مقررہ وقت تک حل نہ ہوئے تو وہ سبھی اضلاع کے اندر ہڑتال کریں گے۔انہوںنے کہا کہ وہ ہم اپنا حق مانگ رہے جسے پوار نہیں کیا جارہاہے اور اگر انتظامیہ نے جلد کوئی اقدام نہ کیا تو اسکے سنگین نتایج نکلیںگے۔ واضح رہے کہ یہ عارضی ملازمین گزشتہ پندرہ سال سے کام کررہے ہیں اور انھیں 6700 روپے ماہانہ دئے جاتے ہیں۔ میونسپل کمیٹی چیئرمین سجاد نجار نے لیفٹیننٹ گورنر انتظامیہ سے انکے مطالبات حل کرنے کی اپیل کی تاکہ عوام کو مشکلات پیش نہ آئیں۔
