جے کے بنک نے نامور مقرر صوفی ظہور کی آراء سے استفادہ کیا

 سرینگر// عظیم قائدین ہی قائدین تخلیق کرتے ہیں ،وہ لوگوں ،رشتوں کی تعمیر کرکے انہیں مثبت توانائی سے آراستہ کرتے ہیں ۔ان خیالات کا اظہار صوفی ظہور ،نامور مقرر اور عالمی سطح پر لیڈر شپ ایوارڑ یافتہ شخصیت ،نے جے کے بنک کارپوریٹ ہیڈ کوارٹر میں چیئرمین و سی ای او پرویز احمد کی موجودگی میں ایک تقریب سے خطاب کرنے کے دوران کیا ۔وہ موجودہ دور میں لیڈرشپ کے رول کے عنوان پر بول رہے تھے ۔تقریب میں موجود دیگر شرکاء میں ایگزیکٹیو پریذیڈنٹ ایس ایس سہگل ،پریذیڈنٹ نشی بارو ،وائس پریذیڈنٹ ،سیکشن ہیڈ اور دیگر بنک فسران شامل تھے۔انہوں نے کہاکہ جے کے بنک جے کے بنک آج ملک میں ایک باعزت ادارہ ہے ۔ریاست میں قائدانہ رول ادا کرنے والا بنک ہونے کے ساتھ ،آپ سب لاکھوں کنبوں کے فائنانس،ان کی بزنس ۔تعلیم اور دیگر ذاتی ضروریات کی دیکھ ریکھ اور انتظام و انصرام میں بہترین رول ادا کررہے ہیں اور آپ کا قائد ایک بہترین انسان اور پیشہ ور ماہر ہیں ۔قائدانہ صلاحیتوں پر اپنے ماہرانہ آراء پیش کرتے ہوئے انہوں نے کمینوکیشن ،ٹیم ورک ،جامع انٹلی جنس برائے مجموعی ادرہ جاتی اہداف پر روشنی ڈالی۔مقرر نے کہاکہ عالمی مارکیٹ کے طرز عمل میں تبدیلی کی وجہ زیادہ تر صارفین کا بنیادی طور طلب گار ہونا ۔تبدیلی کی رفتار میں تیزرفتاری کی بڑھتی ضرورت اورمارکیٹ میں کم منافع کی موجودگی ہے ۔مستقبل میں اچھے قائد کی صلاحیتوں کا احاطہ کرتے ہوئے صوفی ظہور کا کہنا تھا کہ آنے والے ایام میں بہتر قائد کو اچھا کمیونکیٹر ہونے ک علاوہ ٹیکنالوجی اختیار کرنے والا ہونا چاہئے ۔اس موقعے پر انہوں نے بہترین قائد کی صلاحیتوں اور ضروریات پر تفصیلی روشنی ڈالی۔اس موقعے پر چیئرمین و سی ای او پرویزاحمد نے اپنے خیالات کااظہار کرتے ہوئے مہمان سپیکر کا اپنا قیمتی وقت نکال کر قائدانہ صلاحیتوں کے بارے میں روشنی ڈالنے پر ان کا شکریہ ادا کیا۔انہوں نے کہاکہ یہاں جن باتوں کا ذکر ہوا ان میں سے بیشتر پر عمل درآمد کی کوشش کی جاتی ہے جیسے کہ مجموعی انٹلی جنس کا نظریہ ۔انہوں نے کہاکہ بنک قیادت اپنے افسران سے ہر بار تجاویز و آراء حاصل کرکے انہیں پالیسی سازی میں اہم مقام دیتی ہے اور اسی وجہ سے مشکل اوقات میں ہم بہتر طریقے سے حالات سے نمٹنے میں کامیاب ہوتے ہیں ۔انہوں نے اس طرح کے معلوماتی پروگراموں کی ضرورت پر زور دیا۔انہوں نے ٹیکنالوجی کے حوالے سے سامنے آئی آرا پر عمل درآمد کا یقین دلایا اور کہاکہ اس پہلو پر کام کی بہت گنجائش ہے ۔بعد میں ایک سوال جواب کا سیشن ہوا جس میں شرکاء نے مقرر کے سامنے سوالات رکھے اور انہوں نے بہترین انداز میں جواب پیش کئے۔یہ بات قابل ذکر ہے کہ صوفی ظہور ،جو کہ Quaek incکے شعبہ ایچ آر و آپریشن میں سینئر ڈائریکٹر انڈیا ہیں ،کو ایشا  میں 50اعلی ترین باصلاحیت ایچ آر لیڈران کے اعزاز سے نوازا گیا ہے ۔