عظمیٰ نیوز سروس
سرینگر//ہندوستان کے دیہی اور چھوٹے شہروں کے صارفین کی زبردست مانگ کے تناظر میں ایف ایم سی جی(FMCG)برانڈسموہ (SAMUH) دیہی کامرس پلیٹ فارم روزانہ(Rozana) نے صرف تین ماہ کے عرصے کے دوران قریب100 کروڑ روپے کی سالانہ آمدن کی شرح کو حاصل کرنے کے بعد 1000 کروڑ کا کنزیومر گڈس برانڈ بننے کیلئے ایک پرجوش روڈ میپ کا خاکہ پیش کیا ہے۔’’انڈیا کے فیملی برانڈ‘‘ کے طور پر اپنی مضبوط پوزیشن میںسموہ درجہ 3 اور درجہ4کے قصبہ جات اور دیہی آبادی میں رہنے والے صارفین کوروزمرہ استعمال کی سستی اشیاء پیش کرکے ویلیو ایف ایم سی جی سیگمنٹ میں ایک چیلنجر کے طور پر تیزی سے ابھر رہا ہے۔ کمپنی نے اپنے ڈسٹری بیوٹر لیڈرشپ سمٹ 2026 میں اپنی طویل مدتی ترقی کی حکمت عملی اور قومی توسیعی منصوبوں کی نقاب کشائی کی۔یہ برانڈ فی الحال نمکین، بیکری پروڈکٹس، ہوم کیئر رینج اور دیہی گھرانوں کی کھپت کے نمونوں اور قابل استطاعت ضروریات کے مطابق اسنیکس کی ایک وسیع رینج پیش کرتا ہے۔
سرینگر میںشراکت داروں اور اسٹیک ہولڈرز سے خطاب کرتے ہوئیسموہ کے بانی ادویت وکرم سنگھ نے کہا ’’ کمپنی کی ترقی دیہی ہندوستان کی بے پناہ غیر استعمال شدہ صلاحیت کی توثیق کرتی ہے۔ہندوستان کا اگلا کھپت کا انقلاب بھارت کی قیادت میں ہوگا۔سموہ کو ان صارفین کی خدمت کیلئے بنایا گیا تھا جو معیار، رعایتی دام اور اعتماد کے خواہاں ہیں۔ ردعمل نے توقعات سے بڑھ کر ہمارا یقین مضبوط کیا کہ دیہی ہندوستان خاص طور پر اپنی ضروریات کیلئے بنائے گئے گھریلو برانڈز کیلئے تیار ہے‘‘۔صنعت کے تخمینے بتاتے ہیں کہ دیہی ہندوستان میں ملک کی ایف ایم سی جی کی کھپت کا تقریباً نصف حصہ ہے، جو اسے آنے والی دہائی کے دوران اشیائے خوردونوش کی کمپنیوں کیلئے سب سے اہم ترقی کے محرکات میں سے ایک بناتا ہے۔ ؎اجلاس میں کمپنی نے متعدد ریاستوں میں مصنوعات کی تنوع، زمرہ کی توسیع، تقسیم کو مضبوط بنانے اور مارکیٹ میں رسائی کے منصوبوں کا خاکہ پیش کیا۔ قیادت کرنے والی ٹیم نے ایک قابل توسیع ماحولیاتی نظام بنانے کے اپنے ویژن کا بھی اظہارکیا جو صارفین، خوردہ فروشوں، مائیکرو انٹرپرینیورز اور مقامی کمیونٹیز کیلئے قدر پیدا کرتا ہے۔
