پٹنہ// نیپال اور بہار کے نشیبی علاقوں میں مسلسل جاری موسلادھار بارش کی وجہ سے ریاست کی تمام اہم ندیوں کے خطرے کے نشان سے اوپر رہنے کی وجہ سے 11 اضلاع میں سیلاب کی شکل انتہائی ہولناک ہوگئی ہے جس کے پیش نظر جنگی پیمانے پر راحت اور بچا¶کا کام جاری ہے جس میں فوج کے ساتھ ہی نیشنل ڈیزاسٹر فورس (این ڈی آر ایف) کو لگا دیا گیا ہے ۔ محکمہ آفات مینجمنٹ کے سرکاری ذرائع نے آج یہاں بتایا کہ پورنیہ ضلع میں سیلاب سے متاثرہ لوگوں کے لیے خوراک فراہم کرنے کے لئے فضائیہ کے دو ہیلی کاپٹر لگائے گئے ہیں۔ ہیلی کاپٹر کے ذریعے متاثرین کے درمیان غذائی اشیاءکے ساتھ ہی روزمرہ کی ضروری چیزیں بھی گرائی جا رہی ہیں۔جگہ جگہ ریلیف کیمپ بھی بنائے گئے ہیں۔ اسی طرح کشن گنج ضلع میں ریسکیو اور ریلیف کے کاموں میں انتظامیہ کی مدد کے لئے کل رات ہی پٹنہ کے داناپور فوجی چھا¶نی سے فوج کے جوانوں کو بھیجا گیا ہے ۔ فوج کے جوان ضلع کے دور دراز کے متاثرہ علاقوں میں لوگوں کی ہر ممکن مدد کر رہے ہیں۔ فوج کے ساتھ ڈاکٹروں کا دستہ بھی علاقے میں دورہ کر رہا ہے ۔ وہیں، کٹیہار ضلع میں مدد کے لئے فوج کی تین کمپنیوں کو لگایا گیا ہے ۔ سیلاب کی سنگین صورتحال کے پیش نظر وزیر اعلی نتیش کمار نے آج سب سے زیادہ متاثر ارریہ، کشن گنج، کٹیہار اور پورنیہ ضلع کا ہوائی سروے کیا۔ اس کے بعد انہوں نے ڈیزاسٹر مینجمنٹ کے سیکشن اور جنرل ایڈمنسٹریشن کے سینئر حکام کے ساتھ میٹنگ کی اور انہیں ضروری ہدایات دی۔ انہوں نے سیلاب سے متاثرہ علاقوں میں مرکزی حکومت کی جانب سے کی گئی فوری مدد کے لئے وزیر اعظم نریندر مودی کا شکریہ ادا کیا۔ انہوں نے کہا کہ ریلیف اور ریسکیو کے کاموں کے لئے آئی فوج اور این ڈی آر ایف کی ٹیموں کو متاثرہ اضلاع میں تعینات کر دیا گیا ہے ۔
بہار میں سیلاب کی ہولناک صورتحال
