ممبئی// جنوبی ممبئی کے بھنڈی بازار علاقہ میں آج صبح ساڑھے آٹھ بجے 100سال سے زیادہ پرانی ایک پانچ منزلہ عمارت کے منہدم ہوجانے سے کم از کم21 افراد ہلاک ہوگئے اور 21 افراد کو ملبے سے نکال لیا گیا ، لیکن ملبہ میں اب بھی 26افراد کے دبے ہونے کا اندیشہ ہے ۔ ممبئی زون ایک کے پولیس کمشنر منوج کمار شرما نے یواین آئی کو بتایا کہ ہلاک شدگان کی تعداد21 تک پہنچ گئی ہے ۔ انہوں نے کہا کہ راحت اور بچا¶ کا کام جاری ہے ۔ وزیر اعلی دیویندر فڑنویس نے جائے حادثہ کا دورہ کر کے امدادی کام کا جائزہ لیا اور ہلاک ہونے والے افراد کے لواحقین کو پانچ پانچ لاکھ روپئے کی امداد کا اعلان کیا۔ اس موقع پر ایک خاتون نے بتایا کہ اس کی بہو اور 20 دن کی پوتی بھی ملبے کے نیچے دبی ہوئی ہیں ۔عمارت کے ملبہ سے 21 افراد کو نکال لیا گیا جن میں سے پانچ افراد شدید طور پر زخمی ہیں ۔ انھیں سرکاری جے جے اسپتال میں انتہائی نگہداشت یونٹ میں رکھا گیا ہے ۔ فائربرگیڈ محکمہ کے اہلکاروں کے مطابق ابھی تک ملبہ سے 16 لاشیں نکالی گئی ہیں، جن میں نو مرد اور تین خواتین شامل ہیں۔ بی ایم سی حکام نے کہا کہ بچا¶ کے کام میں فائر برگیڈ محکمہ کے 125 اور این ڈی آر ایف کے 90 کارکنان مصروف ہیں۔ احتیاط کے طور پر قریب کی تین عمارتوں کو بھی خالی کرالیا گیا ہے ۔ بچا¶ کام میں بلڈوزر اور کرین بھی لگائے گئے ہیں ۔ مہاراشٹر کے وزیر صنعت سبھاش دیسائی نے کہا کہ، "ہماری اولین ترجیح لوگوں کو ملبہ سے نکلالنا ہے ۔ بچا¶ کام ختم ہونے کے بعدہم اس معاملے کی تحقیقات کرائیں گے اور قصور واروں کو سخت سزا دی جائے گی۔
ممبئی میں 5منزلہ عمارت منہدم،21افراد ہلاک
