جموں میونسپل کارپوریشن ڈینگوکے پیش نظرمتحرک

جموں//جموں شہرمیں ڈینگوبخارکے معاملات سامنے آنے کے پیش نظرجموں میونسپل کارپوریشن نے شہرکے وارڈوں میں تھرمل فوگنگ(جراثیم کش ادویات )کاچھڑکائو مہم شروع کیاہے جس کو اسسٹنٹ کمشنر(اے) جے ایم سی راجیش شرمانے شروع کیا۔اس موقعہ پر سیکریٹری جے ایم سی  رنجیت سنگھ،جوائنٹ کمشنرکوشل چند، چیف انکروچمنٹ افسرراجیش گپتا اور چیف ٹرانسپورٹ افسر طلعت محمودخان بھی موجودتھے۔ یہ مہم ٹائون ہال کمپلیکس سے شروع ہوئی اوراس مہم کوآگے بڑھانے میں محکمہ صحت کے ملیریاونگ کاتعاون بھی حاصل رہا۔تھرمل فوگنگ مہم گنگیال ڈگیانہ، نانک نگر، تریکوٹہ نگراورملحقہ علاقوں میں چلائی گئی۔کارپوریشن کی جانب سے شہربھرمیں فوگنگ کیلئے کلینڈربھی تیارکیاہے جس کے تحت مچھرئوں کوبھگایاجائے گا۔جموں میونسپل کارپوریشن نے عوام الناس بالخصوص بزرگوں اورالیرجی کے مریضوں سے اپیل کی ہے کہ وہ تھرمل فوگنگ کے دوران گھروں کے اندررہیں اورساتھ ہی کہاہے کہ شیشوں کوصاف رکھیں، پروٹیکٹیوکپڑے پہنیں، مچھروں کے بھگانے کیلئے انتظام کریں۔