روس اور ترکی کا شامی بحران کے سیاسی حل پر اتفاق

روسی صدر ولادی میر پوتین نے کہا ہے کہ ایران، ترکی اور ان کے ملک کی جانب سے شام کے بحران کے حل کے لیے کی جانے والی کوششوں کے موثر نتائج سامنے آئے اور شام میں متحارب فریقین بالخصوص حکومت اور اپوزیشن کے درمیان مذاکرات کا ماحول پیدا ہوا ہے۔العربیہ ڈاٹ نیٹ کے مطابق اپنے ترک ہم منصب رجب طیب ایردوآن سے ملاقات کے بعد پریس کانفرنس سیخطاب میں انہوں نے کہا کہ ماسکو انقرہ کے ساتھ مل کر شام کے بحران کے حل کے لیے کوششیں جاری رکھے گاادھر دوسری جانب ترک صدر طیب ایردوآن نے کہا کہ ترکی اور روس نے شام کے بحران کے سیاسی حل پر اتفاق کیا ہے۔انہوں نے ترکی کی زرعی اجناس روس تک پہنچائے جانے کو اپنی خوش قسمتی قرار دیا اور توقع ظاہر کی کہ دونوں ملکوں کیدرمیان تجارتی امور کی راہ میں حائل رکاوٹیں جلد دور ہوجائیں گی۔خیال رہے کہ ترک صدر رجب طیب ایردوآن نے گذشتہ روز روس کا دورہ کیا جہاں جنوبی شہر سوچی میں دونوں صدور کے درمیان ملاقات ہوئی۔