نئی دہلی// (یواین آئی) کاویری واٹر مینجمنٹ بورڈ کے قیام کے مطالبہ پر انادرمک کے ارکان کے بھاری ہنگامے کی وجہ سے آج لوک سبھا میں 18 ویں دن بھی وقفہ سوالات نہیں ہوسکا اور ایوان کی کارروائی دو منٹ کے اندر دوپہر 12 بجے تک کے لئے ملتوی کر دی گئی۔صبح ایوان کی کارروائی شروع ہوتے ہی انادرمک کے رکن اسپیکر کی چیئر کے قریب پہنچ کر 'ہمیں انصاف چاہیے ' کے نعرے لگانے لگے ۔ انہوں نے اپنے مطالبات والے پلے کارڈ بھی ہاتھوں میں لے رکھے تھے اور سیاہ، سفید اور سرخ رنگ کے ترنگے پٹکے بھی لگا رکھے تھے . اس دوران زرد پٹکا لگائے تیلگودیشم پارٹی کے ممبران اپنی اپنی نشستوں پر کھڑے رہے ۔شور شرابے کے درمیان ہی کانگریس کے تمام اراکین اپنی اپنی نشستوں پر کھڑے ہوکر کچھ کہہ رہے تھے ، لیکن ہنگامے میں ان کی آواز نہیں سنی جا سکی۔اسپیکر سمترا مہاجن نے ہنگامے کے درمیان ہی وقفہ سوالات شروع کیا اور ہنگامہ کر رہے ارکان سے ایوان میں پرسکون ہونے کی اپیل کی، لیکن ان کی اپیل کا ان ارکان پر کوئی اثر نہیں ہوا۔ اس کے بعد مسز مہاجن نے 11 بجکر دو منٹ پر ایوان کی کارروائی دوپہر 12 بجے تک کے لئے ملتوی کر دی۔پانچ مارچ سے بجٹ سیشن کا دوسرا مرحلہ شروع ہونے کے بعد سے ہی مختلف ایشوز کولے کر اپوزیشن کے بھاری ہنگامے کی وجہ سے ایوان کی کارروائی میں چلانے میں رکاوٹ ہورہی ہے اور وقفہ سوالات نہیں ہو پا رہا ہے ۔موجودہ بجٹ سیشن چھ اپریل تک جاری رہے گا۔
ہنگامے کی وجہ سے لوک سبھا میں 18ویں روز بھی نہیں ہوسکا وقفہ سوالات
