ہائر سیکنڈری سکول پرانی منڈی میں سالڈ ویسٹ منیجمنٹ پروگرام کا اہتمام

 جموں //جموں میونسپل کارپوریشن کی جانب سے منگل کے روز یہاںگورنمنٹ بائز ہائر سیکنڈری سنٹر بیسک سکول،پُرانی منڈی میں پرنسپل ڈاکٹر مدن لعل شرما کی قیادت میں ادارے میں سالڈ ویسٹ منیجمنٹ پروگرام کا اہتمام کیا گیا،تاکہ ادارے اور سماج سے سالڈ ویسٹ کو ٹھکانے لگایا جا سکے ۔اس سلسلہ میں جموں میونسپل کارپوریشن کی طرف سے ماسٹر زور آورسنگھ نے سالڈ ویسٹ منیجمنٹ پر ایک لیکچر دیا۔انہوں نے سالڈ ویسٹ کو ٹھکانے لگانے کے متعدد طریقے بیان کئے۔سکول کی پرنسپل نے جے ایم سی کے ماہر کی جانب سے لیکچر دینے کی ستائش کی ،سکول کے طلاب نے اس موقعہ پر لوگوں سے پالی تھین کا استعمال نہ کرنے کی اپیل کی۔ پروگرام کارڈٖی نیٹر منیشا چودھری نے پروگرام میں شرکت کرنے کے لئے طالبات و دیگر لوگوں کے بیٹھنے کی نشست کا اہتمام کیا۔پروگرام میں اشونی کمار، وید پال شرما و جے ایم سی ٹیم کے دیگر اہلکاروں نے بھی شرکت کی۔